सेलूत श्रीरामजी भांगडीया शतकोत्तर रजत जयंती वर्षानिमित्त निमित्त उपक्रम
सेलू : येथील नूतन विद्यालय शिक्षण संस्था व परभणी जिल्हा लेक्रॉस असोसिएशन यांच्या संयुक्त विद्यमाने कै.श्रीरामजी भांगडीया शतकोत्तर रजत जयंती वर्षानिमित्त आयोजित तीन दिवशीय चौथ्या राज्यस्तरीय सिनियर लेक्राॅस ( पुरूष, महिला ) क्रीडा स्पर्धेत पुरूष गटात परभणी, महिला गटात गोंदिया प्रथम, तर नागपूर संघ उपविजेता ठरला.
लेक्रॉस क्रीडा स्पर्धेचा समारोप व बक्षीस वितरण उत्साहात गुरूवार (दि.७) रोजी कै.कमलाबाई आसारामजी बाहेती सभागृहात संपन्न झाले. कार्यक्रमाच्या अध्यक्षस्थानी नूतन विद्यालय शिक्षण संस्थेचे अध्यक्ष डॉ.एस.एम.लोया हे होते.तर तहसीलदार डॉ.शिवाजी मगर यांची विशेष उपस्थिती होती.प्रमुख पाहुणे म्हणून संस्थेचे सचिव प्राचार्य डॉ.विनायकराव कोठेकर, पंचायत समिती सभापती गजानन डोंबे, पंचायत समिती सदस्य अनिरुद्ध नाईक, स्पर्धा निरीक्षक तालुका क्रीडा अधिकारी सुरेश नाटकर, ज्येष्ठ क्रीडा शिक्षक चंद्रशेखर नावाडे, महाराष्ट्र लेक्रॉस असोसिएशन अध्यक्ष डॉ.सुमेधा ठाकूर, सरचिटणीस डॉ.मोहम्मद बाबर, जिल्हाध्यक्ष संतोष कंठाळे, कैलास माने, क्रीडा समिती संयोजक गणेश माळवे यांची उपस्थिती होती.कार्यक्रमाचे प्रस्ताविक राज्य सरचिटणीस डॉ.मोहम्मद बाबर यांनी केले. सुत्रसंचलन गोपाळ आम्ले यांनी केले. तर आभार प्रदर्शन स्पर्धा जिल्हा सचिव प्रशांत नाईक यांनी केले. स्पर्धा यशस्वीतेसाठी कै.श्रीरामजी भांगडीया शतकोत्तर रजत समितीचे संयोजक तथा प्रशासकीय अधिकारी प्राचार्य डॉ.शरद कुलकर्णी यांच्या मार्गदर्शनात मुख्याध्यापक संतोष पाटील,निशा पाटील, उल्हास पांडे, उपमुख्याध्यापक परसराम कपाटे, डॉ.सुरेश हिवाळे, क्रीडा शिक्षक संजय भूमकर, राजेश राठोड,बाळू बुधवंत, बाबासाहेब गोरे, मुकुंद डमरे, प्रा.सत्यम बरकुले, अनुराग आंबटी, निलेश माळवे,.एस.आर. सुरवसे ,एस.व्ही रासवे, वाय.बी.चव्हाण, एस.जी. आमटे, एस.एस भांबळे , ए.पी .नरके, के.एस. मोहिते,एस. डी. राठोड, आर. डी. शिंदे, एकनाथ जाधव,चेतन सावरकर, पानझाडे, हळणे, डुकरे, यांनी परिश्रम घेतले.लेक्राॅस स्पर्धेचा अंतिम निकाल चौथ्या राज्यस्तरीय सिनिअर लेक्रॉस क्रीडा स्पर्धेत अंतिम फेरीत परभणी विरूद्ध नागपूर दरम्यान अत्यंत चुरशीच्या सामन्यात २-२ बरोबर गोल मारुन पॉन्लटी गोलमध्ये ५-४ अशा लढतीत प्रेक्षकांचे मन जिंकून परभणी जिल्हा संघाने विजेतेपद प्राप्त केले. तर नागपूर संघ उपविजेता ठरला. तृतीय क्रमांकसाठी बीड वि. कोल्हापूर दरम्यान बीड संघाने सरळ लढतीत ३-० अशा गोल ने विजय प्राप्त केला. सिक्स साईट महिला गटात अंतिम सामना गोंदिया विरूद्ध नागपूर दरम्यान झाला. गोंदिया संघ २-१ गोल ने विजेता ठरला. तर नागपूर उपविजेता. तृतीय क्रमांकसाठी धाराशिव विरूद्ध कोल्हापूर दरम्यान कडवी झुंज देत धाराशिव संघाने ३:२ गोल ने विजय प्राप्त केला. बॉक्स इव्हेंट पुरुष गटात कोल्हापूर, परभणी,धुळे. तर महिला गटात बुलढाणा,नाशिक, कोल्हापूर यांनी अनुक्रमे प्रथम,द्वितीय, तृतीय क्रमांक पटकावला. विशाल पवार (पंच प्रमुख धुळे ), पियुष खोपे, पुनम खोपे (नागपूर), प्रमय ठाकरे, मुकुंद चव्हाण, एकनाथ कुंभार, सिध्दांत आमुले, सोइन रेग्गनवाल, आस्था दहिकर, ऋषिकेश टेमकर यांनी स्पर्धेचे पंच म्हणून काम पाहिले.
