७ विद्यार्थी विशेष प्राविण्यासह उत्तीर्ण; यशस्वी विद्यार्थ्यांचे सर्वत्र अभिनंदन
बोरी : येथील जिल्हा परिषद प्रशालेच्या विद्यार्थ्यांनी दहावीच्या निकालात यावर्षी उल्लेखनीय यश संपादन केले आहे. शाळेचा एकूण निकाल ९३.५४% लागला असून विद्यार्थ्यांच्या गुणवत्तापूर्ण यशामुळे पालकांमध्ये आनंदाचे वातावरण निर्माण झाले आहे.
यामध्ये साक्षी प्रदीप मोरे हिने ८७.८०% गुण मिळवून प्रथम क्रमांक पटकावला. प्रतिग्या प्रकाश जोगदंड हिने ८४.४०% गुणांसह द्वितीय क्रमांक मिळविला, तर नेहा रमेश नितनवरे हिने ८४.२०% गुण मिळवून तृतीय क्रमांक संपादन केला. तसेच निशा फकीरा अवचार हिने ८१.४०% गुण मिळवून चौथा क्रमांक प्राप्त केला, लक्ष्मी गोविंद परडे हिने ८०.६०% गुणांसह पाचवा क्रमांक मिळविला, मनीषा बाळू बनसोडे हिने ७८.८०% गुण घेऊन सहावा, तर वैष्णवी विठ्ठल गोरे हिने ७८.६०% गुण मिळवून सातवा क्रमांक प्राप्त केला.
प्रशालेचे ७ विद्यार्थी विशेष प्राविण्यासह उत्तीर्ण झाले असून १४ विद्यार्थ्यांनी प्रथम श्रेणी तर ८ विद्यार्थ्यांनी द्वितीय श्रेणीत यश मिळविले आहे. विद्यार्थ्यांच्या या यशाबद्दल मुख्याध्यापक पी.बी.रांजवण, पर्यवेक्षक संतोष तायडे, संतोष चिद्रवार , श्रीमती लझडे , गजानन घुगे, प्रियंका रामटेके, मीरा मारवाडे, अश्विन सोनवणे, पूजा हूडेकर, राजेश वैद्य, संघमित्रा खिल्लारे, शिवाजी आव्हाड, सरदार मामू, काळे मामा, शिक्षक व पालकांनी त्यांचे अभिनंदन केले आहे.
