उद्योजक संजय लोया यांच्या उपक्रमाचा १८० विद्यार्थ्यांना लाभ
सेलू : येथील कै.सौ.राधाबाई किशनराव कान्हेकर शारदा विद्यालयात उद्योजक संजय श्रीनिवासजी लोया यांच्या तर्फे १८० होतकरू विद्यार्थ्यांना शालेय साहित्याचे वाटप करण्यात आले.
कार्यक्रमाच्या अध्यक्षस्थानी मुख्याध्यापक डी.डी.शिंदे, तर प्रमुख पाहुणे जेष्ठ शिक्षक रोहिदास चव्हाण, मुख्याध्यापिका उषा कामठे यांची प्रमुख उपस्थिती होती. सूत्रसंचालन अभिमान पाईकराव यांनी, तर सुभाष मोहकरे यांनी आभार मानले. कार्यक्रमाच्या यशस्वीतेसाठी अर्चना पठारे-फोपसे, संदीप जुमडे, सोमेश शिदे, आनंद देवधर, काळे, विजय अंभुरे, नानासाहेब भदर्गे,भारती मुळे, राणी फुलारी, साडेगावकर आदींनी परिश्रम घेतले.
