बोर्डीकर कृषी महाविद्यालयाचा कृषी दिनानिमित्त उपक्रम
कुंडी (ता. सेलू) : सेलू येथील बोर्डीकर कृषी महाविद्यालयातर्फे हरितक्रांतीचे प्रणेते वसंतराव नाईक यांची जयंती आणि कृषी दिन कुंडी येथे मोठ्या उत्साहात साजरा करण्यात आला. याप्रसंगी प्रगतीशील शेतकऱ्यांचा मान्यवरांच्या हस्ते सन्मान करण्यात आला.
अध्यक्षस्थानी जिल्हा परिषद प्राथमिक शाळेचे मुख्याध्यापक राम गायकवाड हे होते. तर प्रमुख पाहुणे म्हणून ग्रामसेवक जीवन खरात उपस्थित होते. याप्रसंगी मार्गदर्शन करताना मुख्याध्यापक राम गायकवाड म्हणाले की, एकाचे हजार दाणे करण्याची क्षमता शेतीत आहे. शेतकऱ्यांनी आता पारंपरिक पद्धती सोडून आधुनिक तंत्रज्ञानाचा वापर करून शेतीकडे वळले पाहिजे. शेतीत काय पिकते, यापेक्षा बाजारपेठेत काय विकते याचा विचार करून आपल्या शेतमालाची योग्य जाहिरात केली, तर शेतीला चांगले दिवस यायला वेळ लागणार नाही, असे त्यांनी नमूद केले.
ग्रामीण कृषी कार्यानुभव (RAWE) उपक्रमांतर्गत कुंडीमध्ये कृषी दिनानिमित्त विद्यार्थ्यांची गावातून प्रभात फेरी काढण्यात आली. यावेळी विद्यार्थ्यांनी विविध घोषवाक्ये देत परिसर दणाणून सोडला. यानंतर वसंतराव नाईक यांच्या प्रतिमेचे पूजन करून शाळा व गाव परिसरात वृक्षारोपण करण्यात आले. या उपक्रमास प्राचार्य डॉ. ए. ए. चव्हाण, कार्यक्रम समन्वयक डॉ. एन. एन. चव्हाण आणि कार्यक्रम अधिकारी डॉ. एस. जी. इंगळे यांचे मोलाचे मार्गदर्शन लाभले.यावेळी कृषी महाविद्यालयाच्या विद्यार्थ्यांनी गावातील प्रगतशील शेतकऱ्यांना वृक्षाचे रोप देऊन सन्मानित केले. “एक शेतकरी, एक झाड, एक संकल्प” असा संदेश यावेळी ग्रामस्थांना देण्यात आला. या सोहळ्याला कृषी महाविद्यालयाच्या कृषीकन्या आईनवार एम. डी., आलटे पी. डी., आलाटे पी. डी., चट्टे एस. एस., बुरी डी., ढेपे ए. बी. आणि कृषीदूत आशिष भोकरे, शिवशंकर गंदगे, विनोद भिडवे व विपुल भुरे यांची प्रमुख उपस्थिती होती. विद्यार्थ्यांच्या या जनजागृतीपर उपक्रमाचे कुंडी
