परभणी : परभणी येथील महात्मा फुले विद्यालयाच्या गणेश नगर शाखेत लोकमान्य बाळ गंगाधर टिळक यांच्या पुण्यतिथीनिमित्त तसेच थोर साहित्यिक लोकशाहीर अण्णाभाऊ साठे यांच्या जयंतीनिमित्त शनिवारी, १ ऑगस्ट रोजी अभिवादनाचा कार्यक्रम उत्साहात संपन्न झाला.
कार्यक्रमाच्या अध्यक्षस्थानी शिवाजीराव विरसे हे होते. प्रमुख पाहुणे म्हणून प्रदीप चव्हाण, श्री.तांबोळी, श्री.शिंदे व श्री.यवतकर यांची उपस्थिती होती. यावेळी मान्यवरांच्या हस्ते लोकमान्य टिळक व अण्णाभाऊ साठे यांच्या प्रतिमेला पुष्पहार अर्पण करून अभिवादन करण्यात आले. उपस्थित मान्यवरांनी लोकमान्य टिळक आणि अण्णाभाऊ साठे यांच्या कार्याचा गौरव करत विद्यार्थ्यांना त्यांच्या विचारांचा आदर्श घेऊन राष्ट्रसेवा, शिक्षण आणि समाजकार्यात योगदान देण्याचे आवाहन केले.यावेळी विद्यार्थ्यांनी भाषणातून आपले विचार व्यक्त केले. यामध्ये समृद्धी बनसोडे, सपना भिसे, यशराज बनसोडे, तपस्या सोनटक्के, माही शेख, सिरीन शेख व साई वायाळ यांनी विचार मांडले. या प्रसंगी विरसे, चव्हाण, जगताप व जुकटे यांनीही आपले मनोगत मांडले.या कार्यक्रमास विद्यालयातील सर्व शिक्षक, शिक्षिका तसेच शिक्षकेतर कर्मचारी मोठ्या संख्येने उपस्थित होते. कार्यक्रम यशस्वीतेसाठी दशरथ राणगीरे, एन.के.चापके , अनिल नाईक, सुजित राठोड, मधुकर रेंगे आणि गणेश सोळंके, मंचकराव यांनी पुढाकार घेतला.
