लोकमान्य टिळक, लोकशाहीर अण्णाभाऊ साठे यांना अभिवादन
सेलू : येथील नूतन विद्यालयात लोकमान्य बाळ गंगाधर टिळक यांची पुण्यतिथी आणि लोकशाहीर अण्णाभाऊ साठे यांची जयंती ‘लेखन प्रेरणा दिन’ शनिवारी, १ ऑगस्ट रोजी मोठ्या उत्साहात साजरा करण्यात आला.
कार्यक्रमाच्या अध्यक्षस्थानी नूतन विद्यालय शिक्षण संस्थेचे अध्यक्ष डॉ.एस.एम.लोया हे होते. तर प्रमुख पाहुणे म्हणून प्रशासकीय अधिकारी प्राचार्य डॉ. शरद कुलकर्णी, कार्यकारिणी सदस्य दत्तराव पावडे, राजेश गुप्ता, मकरंद दिग्रसकर, हरिभाऊ साडेगावकर यांची उपस्थिती होती. तर व्यासपीठावर मुख्याध्यापक किरण देशपांडे, उपमुख्याध्यापक दत्तराव घोगरे, पर्यवेक्षक शंकर बोधनापोड, गणेश माळवे, शिक्षक प्रतिनिधी डॉ. सुरेश हिवाळे, सुनिता सांगुळे, प्रशांत नाईक, संध्या फुलपगार यांची उपस्थिती होती. लोकमान्य बाळ गंगाधर टिळक, लोकशाहीर अण्णाभाऊ साठे यांच्या प्रतिमेस मान्यवरांच्या हस्ते अभिवादन करण्यात आले. साहित्यरत्न अण्णा भाऊ साठे यांची जयंती या वर्षी पासून शासकीय परिपत्रकानुसार ‘लेखन प्रेरणा दिन’ म्हणून साजरी केली जाते आहे. लेखन प्रेरणा दिनानिमित्त प्रशालेत पाचवी ते सातवी आणि आठवी ते दहावी या दोन गटात निबंध स्पर्धा घेण्यात आली. कार्यक्रमाचे सूत्रसंचालन सांस्कृतिक विभाग प्रमुख डॉ. काशिनाथ पल्लेवाड यांनी केले. तर आभार प्रदर्शन गोपाल आम्ले यांनी केले.
