माजी आमदार हरिभाऊ लहाने यांचा पुढाकार
सेलू : माजी आमदार हरिभाऊ लहाने आणि सेलू तालुकाप्रमुख संदीप लहाने यांच्या पुढाकाराने सेलू शहरासह ग्रामीण भागातील २०० हून अधिक कार्यकर्त्यांनी रविवारी, ९ ऑगस्ट २०२६ रोजी खासदार संजय जाधव यांच्या प्रमुख उपस्थितीत शिवसेना शिंदे गटात प्रवेश केला आहे. यामध्ये प्रामुख्याने भारतीय जनता पक्ष आणि बोर्डीकर समर्थकांसह शिवसेनेच्या अनेक जुन्या फळीतील तसेच तरूण कार्यकर्त्यांचा समावेश आहे. या प्रवेशामुळे भाजपला मोठा धक्का बसल्याचे मानले जात आहे.
प्रवेश करणारांमध्ये अपक्ष नगरसेवक कपिल फुलारी तसेच जयसिंग शेळके, सुंदर पौळ, अमोल भोसले, कान्हा शर्मा, दीपक सराफ, गोविंद शर्मा, प्रकाश शेरे, सागर अगजाळ, सुमित साखरे यांच्यासह अनेक कार्यकर्त्यांचा समावेश आहे.
येत्या काळात परभणी जिल्ह्यात शिवसेना क्रमांक एकचा पक्ष बनवण्याचे आवाहन खासदार जाधव यांनी यावेळी केले, तर निष्ठावंत कार्यकर्त्यांचा योग्य सन्मान राखला जाईल अशी गवाही माजी आमदार हरिभाऊ लहाने यांनी दिली.
या सोहळ्यास जिल्हाप्रमुख आनंद भरोसे, तालुकाप्रमुख संदीप लहाने, पांडुरंग कावळे, पंढरीनाथ घुले, सुदर्शन सोनटक्के, मंगल कथले, रंजीत गजमल, बाबा काटकर, रमेश डख, हरी काळे, बंडू देवधर, अविनाश शेरे, जयराम महाराज तांगडे, विनायक खंडागळे, जनार्दन मगर, पंडितराव आरकुले आणि इतर पदाधिकारी उपस्थित होते. प्रास्ताविक संदीप लहाने यांनी केले.
