यशस्विनी महिला मंच व आर.पी. हॉस्पिटलचा उपक्रम; आरोग्य सेवांचा नागरिकांनी घेतला लाभ
परभणी : आर.पी. हॉस्पिटल व यशस्विनी महिला मंच यांच्या संयुक्त विद्यमाने रविवारी, ९ ऑगस्ट २०२६ रोजी आयोजित मोफत सर्व रोग निदान व उपचार शिबिरात १४०० हून अधिक रुग्णांची आरोग्य तपासणी करण्यात आली. आमदार डॉ. राहुल पाटील आणि यशस्विनी महिला मंचच्या अध्यक्ष डॉ. संप्रीया पाटील यांच्या पुढाकारातून जागृती मंगल कार्यालयात हे शिबिर पार पडले.
या प्रसंगी आमदार डॉ. राहुल पाटील, डॉ. अमीर तडवी, डॉ. सुनील जाधव, अशोक घुगे, विलास कौसडीकर, राजू लिंबेकर, प्रदीप मारमवार, माधव मस्के, मधुकर पांचाळ, राजेश गळाकाटू, मारोती तिथे व विष्णू टाक यांची प्रमुख उपस्थिती होती.
शिबिरात सर्वसाधारण रोग, रक्त तपासणी, कान-नाक-घसा, मोतीबिंदू व डोळे तपासणी, अस्थिरोग, स्त्रीरोग, दंतरोग, फिजिओथेरपी, त्वचारोग आणि मानसोपचार तज्ज्ञांच्या सेवा उपलब्ध करून देण्यात आल्या. तसेच होमिओपॅथिक औषधांचे मोफत वाटप करण्यात आले.
शिबिर यशस्वी करण्यासाठी किरण खर्जुले, श्रीधर खळीकर, कौस्तुभ सनपुरीकर, संदीप पांगरकर, मकरंद कुलकर्णी, प्रसाद चांदणे, राहुल गायकवाड, राजेश कच्छवे, आर.पी. हॉस्पिटलचे वैद्यकीय पथक व कर्मचाऱ्यांनी परिश्रम घेतले.
