सेलूतील ‘नूतन’ च्या १२ शिष्यवृत्तीधारकांचा सत्कार
सेलू : सेलू येथील नूतन विद्यालय शिक्षण संस्थेच्या नूतन विद्यालयाच्या विद्यार्थ्यांनी महाराष्ट्र राज्य परीक्षा परिषदेच्या वतीने आयोजित इयत्ता सातवी शिष्यवृत्ती परीक्षेत घवघवीत यश संपादन केले आहे. आठ विद्यार्थी शिष्यवृत्तीधारक ठरले आहेत. तर इयत्ता चौथीच्या शिष्यवृत्ती परीक्षेत सौ.सावित्रीबाई बद्रिनारायणजी बिहाणी नूतन प्राथमिक शाळेचे चार विद्यार्थी शिष्यवृत्ती धारक ठरले आहेत. या गुणवंतांचा मंगळवारी, ११ ऑगस्ट २०२६ रोजी नूतन विद्यालयात सत्कार करण्यात आला.
प्रमुख पाहुणे म्हणून गटशिक्षणाधिकारी गजानन वाघमारे, तर संस्थेचे अध्यक्ष डॉ.एस.एम.लोया, प्रशासकीय अधिकारी प्राचार्य डॉ.शरद कुलकर्णी, मुख्याध्यापक किरण देशपांडे, दत्तराव घोगरे, शंकर बोधनापोड, गणेश माळवे आदींसह मान्यवरांची उपस्थिती होती.
या परीक्षेत तन्मय जयकिशन भुतडा याने २८० गुण मिळवून जिल्ह्यात पहिला तर राज्यात १० वा क्रमांक पटकावला आहे. सान्वी गजानन शितळे हिने २७६ गुण मिळवून जिल्ह्यात दुसरी आणि राज्यात १४ वी येण्याचा बहुमान मिळवला.त्याचप्रमाणे, विठ्ठल अजयकुमार बोरसे याने २५८ गुण, जिल्ह्यात ११ वा), रायबा तानाजी भोसले २५६ गुण, जिल्ह्यात १३ वा, आराध्या नितीन रोडगे २५४ गुण (१४ वी) , विनायक महेश गोंडगे २३२ गुण ( ३६ वा), राम अशोक वायाळ २१६ गुण ( ६७ वा) आणि सुयश पुरुषोत्तम गिरी २०८ गुण मिळवून जिल्ह्यात ७९ वा आहे.
समृद्धी भुतडा राज्यात दुसरी
सौ.सावित्रीबाई बद्रिनारायणजी बिहाणी नूतन प्राथमिक शाळेच्या समृद्धी जयकिशन भुतडा हीने ९६.६६ टक्के गुण मिळवून राज्यात दुसरा तर, जिल्ह्यात प्रथम क्रमांक पटकावला आहे, याच शाळेच्या अजय अमोलराव लाटे (७८.६६ टक्के, जिल्ह्यात १६ वा), पनिका दीपक भुक्तर ( ६६ टक्के, जिल्ह्यात ७८वी, रुद्र नारायण जगताप (६५.३३ टक्के, जिल्ह्यात ८७ वा आहे आणि प्रांजल महादेव दरेकर ( उत्तेजनार्थ) यांनी जिल्हा यादीत स्थान मिळविले आहे.
कार्यक्रमात गुणवंत विद्यार्थ्यांसह विभाग प्रमुख सुनील तोडकर, अरविंद अंबेकर, शैलजा कऊटकर, बाळू बुधवंत, संभाजी रोडगे, मनिषा इक्कर आणि अर्जून पंडित या मार्गदर्शकांचा सत्कार करण्यात आला. या यशाबद्दल मंगळवारी यशस्वी विद्यार्थ्यांचा सत्कार करण्यात आला. संस्थेचे उपाध्यक्ष डी.के.देशपांडे, सचिव डॉ. विनायकराव कोठेकर, सहसचिव जयप्रकाशजी बिहाणी, शालेय समितीचे अध्यक्ष सितारामजी मंत्री, नंदकिशोरजी बाहेती, मकरंद दिग्रसकर, मुख्याध्यापक एकनाथ जाधव, शिक्षक व शिक्षकेतर कर्मचाऱ्यांनी अभिनंदन केले आहे. सूत्रसंचालन सुनील तोडकर यांनी केले. बाळू बुधवंत यांनी आभार मानले.
