गंगाखेड : प्राथमिक आरोग्य केंद्र कोद्री अंतर्गत उपकेंद्र हरंगुळ येथे मंगळवारी येथे बैठकीचे आयोजन करण्यात आले होते. दिनांक १५ ते १९ ऑगस्ट दरम्यान आयोजित राजा भ्रतहरीनाथ यात्रेनिमित्त तालुका आरोग्य अधिकारी डॉ.मनोजकुमार दीक्षित ,जिल्हा पर्यवेक्षक श्री सुदर्शन आठवले , तालुका आरोग्य सहाय्यक श्री कळसाईतकर यांनी भेट दिली. यावेळी डॉ. भोसले वैद्यकीय अधिकारी,डॉ. तिडके,श्री रंगनाथ आव्हाड आरोग्य सहाय्यक उपस्थित होते.
यात्रेनिमित्त पूर्वतयारी पाहण्यासाठी हरंगुळ येथे भेट देऊन आरोग्य विभागाला खालील सूचना करण्यात आल्या. घरोघरी जाऊन कीटक शास्त्रीय सर्वेक्षण करण्यात यावे परिसर स्वच्छतेची कटाक्षाने काळजी घेण्यात यावी. दूषित पाण्याच्या साठे तपासणी करणे किंवा रिकामे करण्यात यावी तसेच गावातील सर्व पाणी स्तोत्राच्या निर्जंतुकीकरण करून पाणी नमुने तपासणीसाठी पाठवावे. त्याचप्रमाणे गावांमध्ये फॉगिंग करण्यात यावी. यात्रेदरम्यान आपत्कालीन आरोग्य पथक तयार करून सज्ज ठेवण्यात येणार आहे तसेच ॲम्बुलन्स सुविधा बाबत नियोजन करण्यात आले.यात्रेमध्ये मोठ्या प्रमाणात भाविक येत असल्यामुळे त्यामध्ये लहान बालके व वयोवृद्ध भाविक यात्रेसाठी येत असतात त्यामुळे भाविकांना करिता आरोग्य पथका मार्फत औषध उपचार व जनजागृती आरोग्य सुविधा देण्यात येणार आहेत. यावेळी वैद्यकीय अधिकारी प्राथमिक आरोग्य केंद्र कोदरी यांनी याकडे लक्ष देऊन सर्व सुविधा उपलब्ध होतील याबाबत लक्ष द्यावे याप्रमाणे सूचना देण्यात आल्या. तसेच या प्रकरणी आवश्यक मनुष्यबळ उपलब्ध करून देण्यात येणार आहे.
