पालकमंत्री मेघना साकोरे-बोर्डीकर यांची ग्वाही, सार्वजनिक बांधकाम उपविभागाच्या नूतन इमारतीचे लोकार्पण
सेलू : सेलू शहराचा सर्वांगीण व आधुनिक विकास करून मराठवाड्यातील सर्वात सुंदर शहर बनविण्याची ग्वाही पालकमंत्री मेघना साकोरे-बोर्डीकर यांनी दिली. येथील ८ कोटी ७५ लाख रुपये खर्चाच्या सार्वजनिक बांधकाम उपविभाग व १३ शासकीय निवासस्थानांच्या शनिवारी, ५ सप्टेंबर २०२६ रोजी आयोजित लोकार्पण सोहळ्याप्रसंगी त्या बोलत होत्या.
या वेळी नगराध्यक्ष मिलिंद सावंत, उपविभागीय अधिकारी शैलेश लाहोटी, तहसीलदार डॉ. शिवाजी मगर, कार्यकारी अभियंता धनंजय जाधव, बालाजी शिंदे, बळीराम माने, भाजप तालुकाध्यक्ष गणेश काटकर, शहराध्यक्ष अशोक शेलार, पप्पू डोंबे, डॉ. आशिष डख, माऊली घुगे, संजय लोया उपस्थित होते.शहरात अंडरग्राउंड ड्रेनेज, गॅस पाईपलाईन आणि सुविधायुक्त शासकीय इमारती उभारणार असल्याचे पालकमंत्र्यांनी सांगितले. कार्यक्रमात उत्कृष्ट कार्याबद्दल कंत्राटदार अतिश मालाणी, सागर श्रीबल्लभ लोया, योगेश जैन, आर. बी. घोडके व उपअभियंता बळीराम माने यांचा सत्कार झाला. प्रास्ताविक धनंजय जाधव, सूत्रसंचालन सुभाष मोहकरे यांनी केले तर श्रद्धा घोडके यांनी आभार मानले. यशस्वितेसाठी सहाय्यक अभियंता राहूल वाघमारे, श्रीहरी हंबर्डे, श्री. खराडे, श्रीमती मोरे, दिपक शिर्के, सिद्धार्थ सूर्यवंशी, शिंदे व कर्मचाऱ्यांनी परिश्रम घेतले.
