दर्जेदार आरोग्य सुविधांसाठी राज्य मूल्यांकनात बाजी
सेलू : सार्वजनिक आरोग्य सेवांचा दर्जा उंचावण्यासाठी केंद्र सरकारच्या वतीने राबविण्यात येणाऱ्या ‘राष्ट्रीय गुणवत्ता आश्वासन मानकांमध्ये (NQAS)’ सेलू उपजिल्हा रुग्णालयाने राज्यस्तरीय मूल्यांकनात ८२ टक्के गुण मिळवले असून राष्ट्रीय मानांकनासाठी रूग्णालय पात्र ठरले आहे. वैद्यकीय अधीक्षक डॉ. संजय हरबडे यांनी ही माहिती दिली.
राज्यस्तरीय मूल्यांकन पथकातील तज्ज्ञ डॉ. पल्लवी रेड्डी व डॉ.पूजा पाटील यांनी ११ सप्टेंबरला भेट देऊन १२ प्रमुख विभागांची तपासणी केली होती. या मूल्यांकनात रुग्णालयाने तब्बल ८२ टक्के गुण मिळवले. पालकमंत्री मेघना साकोरे बोर्डीकर, स्वकीय सहाय्यक डॉ. राहुल आनेराव, जिल्हा शल्य चिकित्सक डॉ. नागेश लखमावार यांच्या मार्गदर्शनाखाली हे यश मिळाल्याचे डॉ.हरबडे म्हणाले.
या यशासाठी वैद्यकीय अधीक्षक डॉ.हरबडे यांच्या कुशल नेतृत्वाखाली डॉ. संतोष देशमुख, डॉ. कल्याण कदम, डॉ. बेबी गिरी, डॉ. ज्योतीराम तपसे, डॉ. प्रकाश चव्हाण, डॉ. रुबी सय्यद, डॉ. गणेश मुळे, डॉ. सोनाली जाधव, डॉ. आरती गवई, डॉ. आलेष बुरेवार, अभिषेक देशमुख, मुजम्मिल खान, अश्विनी गोरमाळी, स्वाती कुरलिये, रामेश्वर गरड, प्रकाश खरात, दिव्या भोसले, निलेश कवडी, बबन खिल्लारे, सी. टी. ढेंगळे, अंजली राठोड, अण्णासाहेब घुमरे, राम ढेंगळे, सविता दुमाने, रेणुका काटकमवार, अविनाश काटकर, बाळासाहेब रोडे, दीपक बहोत, संजय मानवतकर, राधाकिसन मगर, विशाल काकडे, साधना दळे, सायमा खान, राधा काशीद, उबेद शेख, जीवन भदर्गे, पवन फरकांडे, आत्माराम साळवे, श्रीकांत कलालडे, संदीप चव्हाण, अनिरुद्ध टाके, शारदा पंडित, मंजुषा घोडमोडे, विकास चव्हाण, अजिंक्य परीठ, भाग्यश्री त्रिभुवन, सोनाली पाशावार, प्राची गेडाम, शानेट काजी, कोमल सोनावणे, मुक्ता गुटे, मुस्कान शेख, अंजली लोखंडे, योगेश बीडला, शगीर शेख, प्रवीण नाईकनवरे, आशिष बचाटे, गणेश पडुळे, अक्षदा धापसे, उषा जाधव, बिस्मिल्ला शेख आदींनी परिश्रम घेतले.
राष्ट्रीय मूल्यांकनासाठी अन्य राज्यांतील पथक भेट देणार असून देशपातळीवरील स्पर्धेत यशस्वी ठरल्यास पुढील तीन वर्षांत प्रत्येकी ५ लाख असे एकूण १५ लाखांचे बक्षीस भौतिक सुविधांसाठी मिळेल, असा विश्वास वैद्यकीय अधीक्षक डॉ.संजय हरबडे यांनी व्यक्त केला.
