अध्यक्षपदासाठी ११७, तर सदस्यपदासठी १२१० अर्ज, पूर्णा येथे सर्वाधिक २४२, तर सेलूत २३१ अर्ज
परभणी : जिल्हाधिकारी कार्यालयाच्या नगरपरिषद प्रशासन विभागाने दिलेल्या माहितीनुसार, जिल्ह्यातील गंगाखेड, जिंतूर, सेलू, मानवत, पाथरी, पूर्णा आणि सोनपेठ या सात नगरपरिषद निवडणुकीसाठी उमेदवारी अर्ज दाखल करण्याची प्रक्रिया १० ते १७ नोव्हेंबर या कालावधीत पार पडली. अध्यक्ष पदाकरिता एकूण ११७ अर्ज आणि सदस्य पदाकरिता एकूण १२१० अशा एकूण १३२७ उमेदवारांचे अर्ज दाखल झाले आहेत.अर्ज दाखल करण्याच्या पहिल्या चार दिवसांत अत्यंत कमी प्रतिसाद मिळाला होता. मात्र, शेवटच्या तीन दिवसांत अर्ज दाखल करण्याच्या प्रक्रियेला गती मिळाली. १६ नोव्हेंबर रोजी एकाच दिवसात अध्यक्ष पदाकरिता २४ आणि सदस्य पदाकरिता ३७८ अर्ज दाखल झाले. अंतिम दिवशी, १७ नोव्हेंबर रोजी अध्यक्ष पदाकरिता ६९ आणि सदस्य पदाकरिता ५०६ उमेदवारी अर्ज दाखल झाले आहेत.गंगाखेड येथे अध्यक्ष पदाकरिता १८ आणि सदस्य पदाकरिता १९०, जिंतूर येथे अध्यक्ष पदाकरिता ११ आणि सदस्य पदाकरिता १३०, सेलू येथे अध्यक्ष पदाकरिता १५ आणि सदस्य पदाकरिता २१६, मानवत येथे अध्यक्ष पदाकरिता ७ आणि सदस्य पदाकरिता ११७, पाथरी येथे अध्यक्ष पदाकरिता २२ आणि सदस्य पदाकरिता २०० आणि पूर्णा येथे अध्यक्ष पदाकरिता २८ आणि सदस्य पदाकरिता २१४ आणि सोनपेठ येथे अध्यक्ष पदाकरिता १६ आणि सदस्य पदाकरिता १४३ अर्ज दाखल झाले.
