१६२ कुमारिकांचे पूजन, २५१ महिलांचा सहभाग
सेलू : शहरातील श्री परशुराम जन्मोत्सव समितीच्या वतीने आयोजित शारदीय नवरात्र उत्सवानिमित्त १६२ कुमारिका पूजन व २५१ महिलांच्या हस्ते कुंकुमार्चन पूजन मोठ्या भक्तिभावाने उत्साहात पार पडले. शहराचे ग्रामदैवत श्री केशवराज बाबासाहेब मंदिर मंगल कार्यालयात हा कार्यक्रम आयोजित करण्यात आला होता. कुमारिका व कुंकुममार्चन पूजन विधिवत पुरोहितांच्या मंत्रघोषात करण्यात आले. कुमारिकेला समितीच्या वतीने भेटवस्तू देण्यात आल्या. सौंदर्यलहरी ग्रुप, नांदेड यांची विशेष उपस्थिती होती. कार्यक्रमासाठी मदत करणाऱ्या दानशूर व्यक्तींचाही यावेळी सन्मान करण्यात आला. श्री परशुराम जन्मोत्सव समिती सदस्यांनी यशस्वीतेसाठी पुढाकार घेतला.
