सेलू तालुका तैलिक महासभेच्या युवक कार्यकारिणीची निवड
सेलू : महाराष्ट्र प्रांतिक तैलिक महासभेच्या युवक तालुका शाखेच्या सेलू अध्यक्षपदी जयप्रकाश रमेशराव गव्हाडे यांची, तर सचिवपदी राहुल बाळासाहेब क्षीरसागर यांची बिनविरोध निवड करण्यात आली आहे.
येथील शंकरलिंग मंदिर सभागृहात रविवार, दिनांक १० ऑगस्ट रोजी ही निवड प्रक्रिया पार पडली. यावेळी संघटनेचे जिल्हाध्यक्ष सतीश नगरसाळे, युवक जिल्हाध्यक्ष प्रल्हाद देवडे, ॲड. सुभाष आप्पा भरदम, तालुकाध्यक्ष रामदास पाटील आणि सचिव सुनील नवले यांच्यासह प्रमुख पदाधिकारी उपस्थित होते.
या बैठकीत उर्वरित कार्यकारिणीचीही निवड करण्यात आली. यात कार्याध्यक्षपदी संतोष सोनटक्के, उपाध्यक्षपदी शुभम नवघरे, सहसचिवपदी गोपाळ लाटणे, कोषाध्यक्षपदी सोमेश्वर राऊत, संपर्कप्रमुखपदी विश्वनाथ साखरे, संघटकपदी अनिल नवघरे यांची निवड झाली. तसेच, महेश क्षीरसागर व उमेश क्षीरसागर यांची सल्लागार म्हणून आणि अभिषेक गाजरे, शुभम काळबांडे व दत्ता चौरे यांची सदस्य म्हणून निवड करण्यात आली.
या निवडीनंतर नूतन पदाधिकाऱ्यांनी समाजाचे प्रश्न सोडवण्यासाठी आणि विकास कामांसाठी ज्येष्ठांच्या मार्गदर्शनाखाली एकत्रितपणे काम करण्याचा संकल्प व्यक्त केला. या बैठकीला तालुका कार्याध्यक्ष बाळासाहेब सरकाळे, उपाध्यक्ष मारोती भिसे, शंकर आप्पा राऊत, अरुण आप्पा सोळंके, सचिन क्षीरसागर, श्याम पोधाडे, अभिषेक सोनटक्के, गजानन सोनटक्के, प्रकाश साखरे, मनमथ पाटील, सोमनाथ साखरे यांच्यासह अनेक समाजबांधव उपस्थित होते.
