हिंगोली : क्रीडा व युवक सेवा संचालनालय पुणे आणि जिल्हा क्रीडा अधिकारी कार्यालय हिंगोली यांच्या संयुक्त विद्यमाने ‘१९’ वर्षांखालील मुले आणि मुली या गटाच्या विभागस्तरीय शालेय व्हॉलीबॉल स्पर्धा रेसेन्स इंग्लिश स्कूल, शिरड शहापूर येथे उत्साहात संपन्न झाल्या.
स्पर्धेच्या उद्घाटन प्रसंगी अध्यक्ष म्हणून मिलिंदजी यंबल, उद्घाटक म्हणून मुनीर पटेल, तर प्रमुख पाहुणे म्हणून प्राचार्य साखरे मॅडम, जिल्हा क्रीडा अधिकारी राजेश मारावार, टेनिस व्हॉलीबॉल असोसिएशनचे सचिव गणेश माळवे, उपाध्यक्ष रामेश्वर कोरडे, मोहम्मद जानी, नावेद पठाण, क्रीडा अधिकारी निळकंठ श्रावणे, प्रवीण कोंडेकर आणि तालुका क्रीडा संयोजक संजय ठाकरे उपस्थित होते.या स्पर्धेमध्ये भागवत इंगोले, कदम, पतंगे, विजय जाधव, शे. अफसर, अंगद जाधव, चव्हाण आणि संजय नाकोड यांनी पंच म्हणून काम पाहिले. स्पर्धेच्या यशस्वीतेसाठी महाराष्ट्र राज्य व्हॉलीबॉल संघटनेचे राज्य उपाध्यक्ष नावेद पठाण, औंढा तालुका क्रीडा संयोजक संजय ठाकरे आणि रेसेन्स इंग्लिश स्कूलचे सर्व शिक्षक व शिक्षकेतर कर्मचाऱ्यांनी परिश्रम घेतले. कार्यक्रमाचे सूत्रसंचालन आणि प्रास्ताविक महेश पेंडके यांनी केले.
स्पर्धेचा अंतिम निकाल : ‘१९’ वर्षे मुली गट: * प्रथम क्रमांक: सिंदफना मा. वि. माजलगाव, जिल्हा बीड. * द्वितीय क्रमांक: मॉडर्न कनिष्ठ महाविद्यालय, हिंगोली.’१९’ वर्षे मुले गट: * प्रथम क्रमांक: छत्रपती संभाजीनगर शहर. * द्वितीय क्रमांक: एमआयपी महाविद्यालय जवळा बाजार, हिंगोली.
