बाहेती बिहाणी नूतन इंग्लिश स्कूलचा ‘विठू माझा लेकुरवाळा’ कार्यक्रम उत्साहात
सेलू : येथील बाहेती बिहाणी नूतन इंग्लिश स्कूल आयोजित ‘विठू माझा लेकुरवाळा’ हा कला आविष्कार आषाढी एकादशीनिमित्त २५ जुलै रोजी साई नाट्यगृहात संपन्न झाला. या वेळी २२० बाल कलाकारांनी आषाढी वारीचा इतिहास आणि संत परंपरा नाटिकेतून सादर केली.
कार्यक्रमाचे उद्घाटन नगराध्यक्ष मिलिंद सावंत यांच्या हस्ते झाले. अध्यक्षस्थानी संस्थाध्यक्ष डॉ. एस. एम. लोया होते. तर सचिव प्राचार्य डॉ. विनायकराव कोठेकर, सहसचिव जयप्रकाश बिहाणी, प्रशासकीय अधिकारी प्राचार्य डॉ. शरद कुलकर्णी, कार्यकारिणी सदस्य नंदकिशोर बाहेती, दत्तराव पावडे, शालेय समिती अध्यक्ष सिताराम मंत्री, उपनगराध्यक्ष साईराज बोराडे, सभापती मिलिंद पवार व उपाध्यक्ष उत्तम लोखंडे यांची प्रमुख उपस्थिती होती.या वेळी नगराध्यक्ष मिलिंद सावंत यांनी संस्था दलितमित्र श्रीरामजी भांगडीया यांचा वारसा जपून विद्यार्थ्यांचे भविष्य उज्ज्वल करत असल्याचे सांगितले.प्रास्ताविक भूषण देऊळगावकर यांनी केले. सूत्रसंचालन मुक्ताई बोधले, देवांशी टिळकीकर, गायत्री जाधव, शर्वरी मोरे, कृतीका कट्ट्यारमल, आराध्या लंगडे व मनस्वी दिग्रसकर यांनी केले, तर आभार शरद गोरे यांनी मानले. उपक्रमासाठी मुख्याध्यापक नरेंद्र पाटील, सिमा सोनपावले, रेखा पद्मावत, पूजा दिग्रसकर, ऐश्वर्या जैन व कर्मचाऱ्यांनी परिश्रम घेतले.
