सेलू : आधुनिक जगाला आकार देणाऱ्या अभियंत्यांचा दिवस, अर्थात ‘अभियंता दिन’ (इंजिनिअर डे), सेलू शहरात १५ सप्टेंबर रोजी उत्साहात साजरा करण्यात आला. या दिवशी भारतातील महान अभियंते सर मोक्षगुंडम विश्वेश्वरैया यांच्या जयंतीनिमित्त त्यांना आदरांजली वाहण्यात आली. या निमित्ताने सेलू शहरातील अभियंता संघटनेचे सदस्य सकाळी १० वाजता एकत्र आले होते. या कार्यक्रमात अभियंत्यांनी त्यांचे समर्पण, कल्पकता आणि जगाला प्रगतीच्या दिशेने नेण्यात त्यांचे असलेले महत्त्वाचे योगदान अधोरेखित केले. अभियंता हा समाजाच्या पायाभूत सुविधांचा कणा आहे, असे यावेळी सांगण्यात आले.
या कार्यक्रमाला अभियंता संघटनेचे सदस्य इंजि. सुनील नाईकवाडे, रवींद्र मंत्री, भगवान कुमावत, पांडुरंग धामणगावकर, भास्कर कोलते, गंगाधरराव आडळकर, सतीश बलदवा, प्रमोद कुलकर्णी, रशीद खान पठाण, प्रशांत मानकेशवर, शेख अर्षद, बालाजी उदावंत, हादी अन्सारी, मुज्जमील शेख, शेख आसरार, शेख फरहान, अस्लम मोदी, उदय दडके, योगेश गजमल, आकाश आकात, गजानन आडळकर, अबूबकर खान यांच्यासह अनेक अभियंते उपस्थित होते.
