छत्रपती संभाजीनगर येथे मराठवाडा नेत्रतज्ज्ञ संघटनेच्या वार्षिक परिषदेत सन्मान
सेलू : मराठवाडा नेत्रतज्ज्ञ संघटनेच्या वतीने छत्रपती संभाजीनगर येथे शनिवारी, २४ जानेवारी रोजी आयोजित कार्यक्रमात सेलू् येथील नेत्रतज्ज्ञ आणि नूतन विद्यालय शिक्षण संस्थेचे अध्यक्ष डॉ.सत्यनारायण मोतीलाल लोया यांना जीवनगौरव पुरस्काराने सन्मानित करण्यात आले.
संघटनेच्या दोन दिवसीय वार्षिक परिषदेत (मॅरोपकॉन २०२६) डॉ.लोया यांना हा पुरस्कार प्रदान करण्यात आला. यावेळी नेत्ररोग तज्ज्ञ, खासदार डॉ. शिवाजी काळगे, डॉ. तात्याराव लहाने, अखिल भारतीय नेत्रतज्ज्ञ संघटनेच्या दिल्ली येथील पदाधिकारी डॉ. नम्रता शर्मा, महाराष्ट्र संघटनेच्या अध्यक्ष डॉ. अनघा हेरूर, सचिव डॉ. प्रीती कामदार, डॉ.अजय सांबरे, डॉ. अजय लोहिया आदींसह मान्यवरांची उपस्थिती होती. पुरस्काराबद्दल रविवारी, २५ जानेवारी रोजी नूतन शिक्षण संस्थेच्या वतीने डॉ.लोया यांचा; तसेच संस्थेचे माजी सचिव प्राचार्य द.रा.कुलकर्णी यांचा ९४ व्या वाढदिवसानिमित्त सत्कार करून शुभेच्छा देण्यात आल्या. पुरस्काराबद्दल डॉ.लोया यांचे संस्थेचे उपाध्यक्ष डी.के.देशपांडे, सचिव प्राचार्य डॉ.विनायकराव कोठेकर, सहसचिव जयप्रकाश बिहाणी, नंदकिशोर बाहेती, प्रशासकीय अधिकारी प्राचार्य डॉ.शरद कुलकर्णी, मकरंद दिग्रसकर, दत्तराव पावडे, सीताराम मंत्री, राजेश गुप्ता, डॉ.विजेंद्र नागोरी आदींसह विविध स्तरांतून अभिनंदन होत आहे.
