सेलू व्हॉईस ऑफ मीडियाचे प्रशासनाला निवेदन, कठोर कारवाईची मागणी
परभणी : त्र्यंबकेश्वर नाशिक येथे वार्तांकनासाठी गेलेल्या पत्रकारावर झालेल्या हल्ल्याचा परभणी जिल्हा आणि विविध तालुक्यातील व्हॉईस ऑफ मीडिया पत्रकार संघटनेच्या वतीने तीव्र निषेध नोंदवत हल्लेखोरांवर कठोर कारवाई करण्याची मागणी प्रशासनाला २२ सप्टेंबर रोजी सादर करण्यात आलेल्या निवेदनात करण्यात आली आहे.
नाशिक जिल्ह्यातील त्र्यंबकेश्वर येथे २० सप्टेंबर रोजी स्वामी समर्थ केंद्राजवळील पार्किंगवर कार्यरत असलेल्या गुंडांनी वार्तांकनासाठी गेलेल्या झी २४ तासचे ब्युरो चीफ योगेश खरे, साम टीव्हीचे ब्युरो चीफ अभिजित सोनवणे, पुढारी न्यूजचे ब्युरो चीफ किरण ताजने या पत्रकारांवर भीषण हल्ला करत मारहाण केली. या हल्ल्यात पत्रकार किरण ताजणे गंभीर जखमी झाले आहेत. पत्रकार संरक्षण कायद्याअंतर्गत दोषींवर कारवाई करावी अशी मागणी करण्यात आली आहे.
परभणी येथे जिल्हाधिकारी संजय चव्हाण यांच्या मार्फत राज्याचे मुख्यमंत्री देवेंद्र फडणवीस यांना निवेदन सादर करण्यात आले. या वेळी संघटनेचे जिल्हाध्यक्ष गजानन देशमुख, बालासाहेब काळे, विशाल माने, कैलास चव्हाण आदींसह पदाधिकारी व सदस्य उपस्थित होते. सेलू उपविभागीय अधिकारी कार्यालयात तालुका संघटनेतर्फे निवेदन देण्यात आले. यावेळी तालुकाध्यक्ष शिवाजी आकात, सचिव मोहन बोराडे, कार्याध्यक्ष बाबासाहेब हेलसकर, अशोक अंभोरे, नारायण पाटील, श्रीपाद कूलकर्णी ,डॉ.विलास मोरे, राम सोनवणे, लक्ष्मण सोन्ने उपस्थित होते. पदाधिकारी तसेच संतोष कुलकर्णी, प्रसाद खारकर, प्रताप काकडे, बालाजी सोनवणे, पंकज सोनी, सचिन हिवरे, जयचंद खोना, शंभू काकडे, शिवप्रसाद काबरा आदींनी पुढाकार घेतला.
