सेलू लॉयन्स क्लबचे आयोजन : मोतीबिंदू शस्त्रक्रियेसाठी पाठवणार
सेलू : येथील लॉयन्स क्लबच्या वतीने दर महिन्याच्या पहिल्या रविवारी आयोजित करण्यात येणाऱ्या मोफत नेत्र तपासणी शिबिरात यावेळी ९० रुग्णांची तपासणी करण्यात आली. यातील ज्या रुग्णांना मोतीबिंदूचे निदान झाले आहे, त्यांना शस्त्रक्रियेसाठी टप्प्याटप्प्याने परतूर येथील दृष्टी लॉयन्स नेत्रालयात पाठवण्यात येणार आहे, अशी माहिती तालुकाध्यक्ष सुयश पटवारी यांनी दिली.रविवार, २ नोव्हेंबर रोजी येथील चिरायू रुग्णालयात हे शिबिर उत्साहात पार पडले. परतूर येथील लॉयन्स नेत्रालयातील डॉ. रामेश्वर वानखेडे, कुंडलीक पावडे, डॉ किरण गायकवाड, योगेश केंधळे आणि भरत पौळ यांनी नेत्र तपासणीचे काम पाहिले. तसेच शेख फरीद, निता महाजन, माऊली भाबट, आनंदी काळे, आणि गायत्री साळवे यांनी त्यांना सहकार्य केले.तालुका सचिव डॉ. बाळासाहेब जाधव, उपाध्यक्ष अजीत सराफ, कोषाध्यक्ष डॉ. शैलेश मालाणी, डॉ. उमेश गायकवाड, डॉ. अनुराग जोगदंड, राजेंद्र सराफ, डॉ. परेश बिनायके, डॉ. कुंदन राऊत, दत्तात्रय सोळंके, डॉ. कैलास आवटे, डॉ. आशिष मेहता, दत्तात्रय अप्पूसेठ सोळंके, डॉ. सुदर्शन मालाणी, अनुप गुप्ता, कृष्णा काटे, जयसिंग शेळके, सुभाष मोहकरे या सर्व सदस्यांनी शिबिर यशस्वी करण्यासाठी परिश्रम घेतले.
