परभणी : परभणी पोलीस विभागामार्फत करण्यात येणारा तपास सुलभतेने होण्यासाठी मोबाईल फॉरेन्सिक व्हॅन आणि पाच आय-बाईकचे उद्घाटन बुधवारी पालकमंत्री मेघना साकोरे-बोर्डीकर यांच्या हस्ते हिरवी झंडी दाखवून करण्यात आले.
यावेळी जिल्हाधिकारी संजयसिंह चव्हाण, पोलीस अधीक्षक रविंद्रसिंह परदेशी, मुख्य कार्यकारी अधिकारी नतिशा माथूर, अपर जिल्हाधिकारी डॉ. प्रताप काळे, अपर पोलीस अधीक्षक सुरज गुंजाळ, निवासी उपजिल्हाधिकारी अनुराधा ढालकरी, पोलीस अधिकारी, कर्मचारी उपस्थित होते.
पालकमंत्री श्रीमती बोर्डीकर म्हणाल्या, परभणी पोलीस विभागाचे आय बाईकसारखे नाविन्यपूर्ण उपक्रम कौतुकास्पद आहेत. ‘टाकाऊ पासून टिकाऊ’ संकल्पनेतून या बाईक तयार केल्या आहेत. कायदा व सुव्यवस्था टिकवण्यासाठी या साधनांचा मोठा उपयोग होईल. यावेळी त्यांनी पोलीस अधीक्षक श्री. परदेशी यांच्या संकल्पनेचे विशेष कौतुक करून मुख्यमंत्री यांच्या १५० दिवसांच्या कार्यक्रमात हा उपक्रम नाविन्यपूर्ण उदाहरण म्हणून सादर करण्याची सूचना केली.
पोलीस अधीक्षक रविंद्रसिंह परदेशी यांनी प्रास्ताविकात पोलीस विभाग हा जिल्ह्यात कायदा व सुव्यवस्था अबाधित राखण्यासाठी सदैव सतर्क असल्याचे सांगून फॉरेन्सिक व्हॅन आणि आय बाईकचे महत्त्व स्पष्ट करत या साधनांमुळे तपासाला गती मिळेल, असे सांगितले.
सेलूत देखाव्यांमधून प्रबोधन अन् थरार
रामबागचा पर्यावरण संदेश; आदर्श व्यापारी मंडळाचा भूत बंगला सेलू : सेलू शहरातील गणेशोत्सवात यंदा विविध मंडळांनी सामाजिक प्रबोधन आणि थरारक...
