सेलू पोलीस ठाण्यात नोंद, कुटुंबियांकडून शोध सुरूच
सेलू : सेलू येथील श्रीराम कॉलनी भागातून पंढरपूरला दर्शनासाठी घरातून गेलेली ५५ वर्षीय महिला बेपत्ता झाल्याची घटना उघडकीस आली आहे. या प्रकरणी सेलू पोलीस ठाण्यात मिसिंगची तक्रार दाखल झाली आहे. सेलू येथील श्रीराम कॉलनी येथे राहणारे प्रमोद रोहीदासराव रोडगे (वय ३८) यांनी ही तक्रारीत दिलेल्या माहितीनुसार, त्यांची आई सौ. वर्षा रोहीदासराव रोडगे (वय ५५ वर्षे, रा. श्रीराम कॉलनी, सेलू) या दिनांक १९ सप्टेंबर २०२५ रोजी सकाळी साधारण १०.०० वाजताच्या सुमारास घरातून निघाल्या. त्या पंढरपूर येथे दर्शनासाठी जाऊन येते, असे सांगून गेल्या होत्या. कुटुंबीयांनी त्यांची जालना व नांदेड येथील नातेवाइकांकडे चौकशी केली, परंतु त्या कुठेही मिळून आल्या नाहीत. अखेर, कुटुंबाने २८ सप्टेंबर २०२५ रोजी सेलू पोलीस ठाण्यात मिसिंग तक्रार दाखल केली. पोलीस उपनिरीक्षक वहाब पठाण यांनी या प्रकरणाची नोंद घेतली असून, पोलिस हेडकॉन्स्टेबल मुलगीर हे अधिक तपास करत आहेत. सौ. वर्षा रोडगे यांच्याबद्दल कोणालाही माहिती मिळाल्यास तातडीने सेलू पोलीस ठाणे (मो. ९९२३११५७९१) किंवा खबर देणाऱ्या व्यक्तीशी (मो. ९४२१०९३४४४) संपर्क साधावा, असे आवाहन पोलिसांनी केले आहे.
हरवलेल्या व्यक्तीचे वर्णन:
- नाव: सौ. वर्षा रोहीदासराव रोडगे
- वय: ५५ वर्षे
- रंग: गोरा
- उंची: ०५ फूट
- शरीरयष्टी: मजबूत
- केस: काळे-पांढरे
- चेहरा: लांबट, नाक सरळ
- भाषा: मराठी
