नशामुक्त समाज हेच आपले ध्येय : पालकमंत्री मेघना बोर्डीकर
परभणी : नशाबंदीबद्दल जनजागृती करण्यासाठी परभणी शहरात आज एक मोठी सायकल रॅली काढण्यात आली. परभणी जिल्हा पोलीस दलाने आयोजित केलेल्या या रॅलीची सुरुवात पालकमंत्री मेघना साकोरे-बोर्डीकर यांच्या हस्ते झाले.
या रॅलीत स्वतः पालकमंत्री मेघना बोर्डीकर, जिल्हाधिकारी रघुनाथ गावडे, आणि जिल्हा पोलीस अधीक्षक रवींद्रसिंह परदेशी सहभागी झाले होते. रॅलीला सुरुवात जिल्हा पोलीस अधीक्षक कार्यालयापासून झाली. यावेळी बोलताना पालकमंत्री म्हणाल्या की, नशामुक्त समाज हेच आपले ध्येय आहे. युवकांचे आरोग्य आणि त्यांचे भविष्य सुरक्षित ठेवण्यासाठी सर्वांनी मिळून काम करावे. त्यांनी उपस्थित सर्वांना अमली पदार्थांच्या विरोधात शपथही दिली. या रॅलीत अप्पर पोलीस अधीक्षक सूरज गुंजाळ, डॉ. केदार खटींग यांच्यासह अनेक पोलीस अधिकारी, कर्मचारी आणि नागरिक मोठ्या संख्येने सहभागी झाले होते.
