गणेशोत्सवासाठी परवानगी अर्ज आता ऑनलाईन

गणेश मंडळांना ‘सिटीझन पोर्टल’वरून अर्ज करण्याचे ठाणेदार किशोर शेळके यांचे आवाहन

फुलचंद भगत/वाशिम:-आगामी गणेशोत्सवाच्या पार्श्वभूमीवर वाशिम पोलिस दलाने गणेश मंडळांसाठी महत्त्वाचे आवाहन केले आहे. गणेशोत्सव २०२६ साठी आवश्यक असलेली परवानगी प्रक्रिया आता ऑनलाइन करण्यात आली असून, गणेश मंडळांनी ‘सिटीझन पोर्टल’च्या माध्यमातून परवानगी अर्ज सादर करावा, असे आवाहन वाशिम पोलिसांकडून आणी मंगरुळपीरचे ठाणेदार किशोर शेळके यांचेकडुन करण्यात आले आहे.

गणेश मंडळांना परवानगी मिळविण्यासाठी पोलिस कार्यालयात वारंवार चकरा मारण्याची आवश्यकता राहणार नसून, महाराष्ट्र पोलिसांच्या ‘सेवाज फॉर सिटीझन’ (Citizen Portal) सुविधेचा वापर करून ऑनलाइन अर्ज करता येणार आहे.अशी आहे ऑनलाइन अर्ज प्रक्रियागणेश मंडळांनी प्रथम https://citizen.maharashtra.gov.in⁠ या सिटीझन पोर्टलला भेट देऊन नवीन नोंदणी अथवा लॉगिन करावे. त्यानंतर ‘परवानगी’ विभागात जाऊन ‘गणेशोत्सव २०२६ परवानगी अर्ज’ हा पर्याय निवडावा. आवश्यक माहिती व कागदपत्रे भरून अर्ज ऑनलाइन साद करावा. अर्ज सादर केल्यानंतर मिळालेला अर्ज क्रमांक जतन करून अर्जाची स्थिती ऑनलाइन तपासता येणार आहे.ऑनलाइन अर्जाचे अनेक फायदेऑनलाइन अर्ज प्रक्रियेमुळे वेळेची बचत होण्याबरोबरच परवानगी प्रक्रिया अधिक पारदर्शक, सुलभ आणि जलद होण्यास मदत होणार आहे. अर्जाची नोंदणी, अर्जाची स्थिती तपासणे तसेच आवश्यक त्या पुढील प्रक्रियेची माहिती ऑनलाइन उपलब्ध होणार आहे. मोबाईलच्या माध्यमातूनही अर्ज करता येणार असल्याने गणेश मंडळांना मोठी सुविधा मिळणार आहे.*वेळेत अर्ज करण्याचे पोलिसांचे आवाहन*गणेशोत्सव शांततेत, सुरक्षित आणि उत्साहपूर्ण वातावरणात पार पडण्यासाठी सर्व गणेश मंडळांनी आवश्यक परवानग्या वेळेत घेणे महत्त्वाचे आहे. त्यामुळे सर्व गणेश मंडळांनी वेळ न दवडता ऑनलाइन अर्ज करून आवश्यक परवानगी प्रक्रिया पूर्ण करावी, असे आवाहन वाशिम पोलिस दलाकडून करण्यात आले आहे.“ऑनलाइन अर्ज करा, सुरक्षित गणेशोत्सव साजरा करा” असा संदेश देत वाशिम पोलिसांनी नागरिक आणि गणेश मंडळांना सहकार्य करण्याचे आवाहनही ठाणेदार किशोर शेळके यांनी केले आहे.