सेलू तालुकास्तरीय अखिल भारतीय विज्ञान मेळावा; १८ शाळांचा सहभाग
सेलू : अखिल भारतीय विज्ञान मेळाव्याच्या तालुकास्तरीय स्पर्धेत एल. के. आर. रोडगे प्रिन्स इंग्लिश स्कूलची इयत्ता ९ वीची विद्यार्थिनी तेजश्री महेशकुमार चौधरी हिने प्रथम क्रमांक पटकावून शाळेच्या यशात मानाचा तुरा रोवला आहे. तिने “India’s Energy Basket by 2047” या विषयावर अत्यंत प्रभावी सादरीकरण केले. या उल्लेखनीय यशामुळे तिची जिल्हास्तरीय विज्ञान मेळाव्यासाठी निवड झाली आहे.
तालुकास्तरीय विज्ञान मेळाव्याचे आयोजन गट संसाधन केंद्र, सेलू येथे करण्यात आले होते. या मेळाव्यात सेलू तालुक्यातील एकूण १८ शाळांनी सहभाग नोंदविला होता. यावेळी गटशिक्षणाधिकारी गजानन वाघमारे आणि विज्ञान विभाग प्रमुख पद्मावत यांची प्रमुख उपस्थिती होती.तेजश्री चौधरी हिने “भारताची २०४७ पर्यंतची ऊर्जा गरज, ऊर्जेचे विविध स्रोत, भविष्यातील ऊर्जा नियोजन तसेच शाश्वत व पर्यावरणपूरक ऊर्जेची आवश्यकता” या विषयांवर सखोल अभ्यासपूर्ण आणि आत्मविश्वासपूर्ण मांडणी केली. तिच्या या प्रभावी सादरीकरणाची दखल घेत परीक्षकांनी तिला प्रथम क्रमांकाने गौरविले.तेजश्रीच्या या यशाबद्दल श्रीराम प्रतिष्ठान सेलूचे संस्थापक अध्यक्ष डॉ. संजय रोडगे, सचिव डॉ. सविता रोडगे, डॉ. आदित्य रोडगे, प्रशासकीय अधिकारी प्रा. महादेव साबळे, प्राचार्य अनिल, अब्दुल, मीरा तसेच मार्गदर्शक शिक्षक रविशंकर कुमार यांनी तिचे कौतुक व अभिनंदन करून पुढील जिल्हास्तरीय स्पर्धेसाठी शुभेच्छा दिल्या.
