श्री केशवराज बाबासाहेब विद्यालयात कार्यक्रम, राजर्षी शाहू महाराज जयंतीही उत्साहात साजरी
सेलू : येथील श्री केशवराज बाबासाहेब विद्यालयात छत्रपती राजर्षी शाहू महाराज यांच्या जयंतीनिमित्त त्यांच्या प्रतिमेचे पूजन करून त्यांना अभिवादन करण्यात आले. याप्रसंगी सेलू तालुक्यातील नवनियुक्त केंद्रप्रमुखांचा सत्कार सोहळा अत्यंत उत्साहात झाला.
यामध्ये सेलू तालुक्यातील कन्या सेलू केंद्राचे नवनियुक्त केंद्रप्रमुख शेख मोजम, के. प्रा. शाळा सेलूचे केंद्रप्रमुख धनंजय ठोंबरे आणि डासाळा केंद्राचे केंद्रप्रमुख विजय तूरकर यांचा सत्कार करण्यात आला. या प्रसंगी मुख्याध्यापक संजय धारासुरकर, ज्येष्ठ शिक्षक दिलीप बेदरकर, कृष्णा पांचाळ, नरेश पाटील, योगेश ढवारे, मंगेश कुलकर्णी, मुरलीधर खरात, प्रवीण चव्हाण, अण्णासाहेब गायकवाड आणि बाबासाहेब बदाले यांची प्रमुख उपस्थिती होती.आपल्या सत्काराला उत्तर देताना केंद्रप्रमुख धनंजय ठोंबरे यांनी येणाऱ्या काळात सेलू तालुक्यात गुणवत्तापूर्ण शिक्षण देण्यावर विशेष भर दिला जाईल, असे सांगितले. तसेच मराठी शाळांच्या प्रगतीसाठी सर्वांनी मिळून एकत्र काम करूया, असे आवाहन केले. सूत्रसंचालन आणि उपस्थितांचे आभार शिक्षक योगेश ढवारे यांनी मानले.
