सेलू : नगर परिषदेच्या आगामी निवडणुकीच्या पार्श्वभूमीवर नगराध्यक्ष पदाचे आरक्षण अनुसूचित जातीसाठी (SC) आरक्षित झाल्यानंतर, शहरातील प्रभागनिहाय आरक्षण बुधवारी (ता. ८) सोडत पद्धतीने निश्चित करण्यात आले. उपविभागीय अधिकारी तथा निवडणूक अधिकारी अरूणा संगेवार यांच्या अध्यक्षतेखाली महेश नगरातील साई नाट्यगृहात सकाळी ११ वाजता प्रभाग निहाय आरक्षण सोडतीसाठी विशेष बैठक आयोजित करण्यात आली होती. यातून पियुष रामेश्वर साबळे, अल्वीन अन्सार रंगरेज या दोन शाळकरी विद्यार्थ्यांनी काढलेल्या ईश्वर चिठ्ठीद्वारे आरक्षण निश्चित करण्यात आले. यावेळी नगर परिषदेचे मुख्याधिकारी तुकाराम कदम, उपमुख्याधिकारी बी. एस. चव्हाण यांची उपस्थिती होती. या वेळी राजकीय पक्षाचे पदाधिकारी, नागरिक, इच्छुक उमेदवार मोठ्या संख्येने उपस्थित होते. प्रभाग आरक्षण निश्चितीनंतर ‘कही खुशी कही गम’ असे चित्र निर्माण झाले आहे.
या आरक्षणानुसार,
प्रभाग क्र. १ : अनुसूचित जाती (SC) महिला व सर्वसाधारण
प्रभाग क्र. २ : सर्वसाधारण महिला व ओबीसी
प्रभाग क्र. ३ : अनुसूचित जाती (SC) व सर्वसाधारण महिला
प्रभाग क्र. ४ : ओबीसी (महिला) व सर्वसाधारण
प्रभाग क्र. ५ : ओबीसी (महिला) व सर्वसाधारण
प्रभाग क्र. ६ : सर्वसाधारण महिला व सर्वसाधारण
प्रभाग क्र. ७ : अनुसूचित जाती (SC) महिला व सर्वसाधारण
प्रभाग क्र. ८ : ओबीसी व सर्वसाधारण महिला
प्रभाग क्र. ९ : ओबीसी व सर्वसाधारण महिला
प्रभाग क्र. १० : सर्वसाधारण महिला व सर्वसाधारण
प्रभाग क्र. ११ : अनुसूचित जमाती (ST) व सर्वसाधारण महिला
प्रभाग क्र. १२ : ओबीसी महिला व सर्वसाधारण
प्रभाग क्र. १३ : सर्वसाधारण व ओबीसी महिला
प्रभाग क्र. १, २ व ७ या तीन प्रभागात मतदारांचे प्रमाण ओळखून अनुसूचित जातीसाठी (SC) आरक्षण निश्चित करण्यात आले. प्रभाग क्र. ११ मध्ये अनुसूचित जमातीचे (ST) आरक्षण निश्चित करण्यात आले.
