विकासासाठी कटिबद्ध : आडळकर यांची ग्वाही
सेलू | प्रतिनिधी : सेलू नगरपालिकेत भारतीय राष्ट्रीय काँग्रेस पक्षाच्या गटनेते पदी श्री पवन आडळकर यांची सर्वानुमते निवड करण्यात आली आहे. नुकत्याच झालेल्या नगरपालिका निवडणुकीत काँग्रेसपक्षाचे ७ नगरसेवक निवडून आले होते. या सर्व सदस्यांनी पवन आडळकर यांच्या नेतृत्वावर विश्वास दर्शवला आहे.या निवडीच्या वेळी नवनिर्वाचित सदस्य मिलिंद पवार, सौ. महानंदा आडळकर, सफिया बेगम अ. रशीद, पठाण मालनबी अफसर खा, प्रविना संभाजी पवार, विनोद धापसे, अमजद बागवान, अन्वर खान, संभाजी पवार, सुदर्शन शेरे आणि अप्पू साडेगावकर यांची प्रमुख उपस्थिती होती.
विकासासाठी कटीबद्ध : आडळकर
पक्षातील सर्व नगरसेवकांनी दाखवलेला विश्वास आणि दिलेली जबाबदारी निश्चितच सेलू शहराच्या विकासासाठी दिशादर्शक ठरेल, असा विश्वास नवनिर्वाचित गटनेते पवन आडळकर यांनी व्यक्त केला. त्यांच्या नेतृत्वाखाली काँग्रेस पक्ष आगामी काळात अधिक सक्षमपणे जनतेच्या प्रश्नांसाठी आणि नगरपालिका क्षेत्राच्या प्रगतीसाठी लढा देईल, असेही त्यांनी यावेळी नमूद केले.
