चिकलठाणा, वालूर, कुपटा, रवळगाव आणि देऊळगाव गात गटातील उमेदवारांची नावे निश्चित
सेलू l प्रतिनिधी : परभणी जिल्हा परिषद आणि पंचायत समितीच्या सार्वत्रिक निवडणूक २०२६ साठी राजकीय हालचालींना वेग आला आहे. या पार्श्वभूमीवर सेलू तालुक्यातील राष्ट्रवादी काँग्रेसने आपल्या उमेदवारांची यादी जाहीर केली असून, विविध गट आणि गणांनुसार प्रबळ दावेदारांना रिंगणात उतरवले आहे.
१. चिकलठाणा (गट २५) :
या गटातून जिल्हा परिषदेसाठी पुरुषोत्तम दत्तात्रय पावडे यांना उमेदवारी देण्यात आली आहे. या गटांतर्गत येणाऱ्या चिकलठाणा बु. पंचायत समिती गणासाठी अनिरुद्ध सुभाषराव नाईक किंवा प्रशांत सुभाषराव नाईक यांच्या नावाचा विचार सुरू आहे. तर बोरकिनी गणातून मनीषा अरुण आघाव निवडणूक लढवतील.
२. वालूर (गट २६):
वालूर जिल्हा परिषद गटासाठी श्रीमती माधुरी राम पाटील यांचे नाव निश्चित झाले आहे. या गटातील वालूर गणासाठी ज्ञानेश्वर फालाजी रोकडे आणि मोरेगाव गणासाठी श्रीमती रेवती तुळशीदास रोकडे यांना उमेदवारी जाहीर झाली आहे.
३. कुपटा (गट २७):
कुपटा गटातून जिल्हा परिषदेसाठी प्रकाश धोंडिबा मुळे निवडणूक रिंगणात असतील. पंचायत समिती गणांचा विचार करता, कुपटा गणातून श्रीमती मिनाबाई सुभाषराव सोळंके आणि सोन्न गणातून श्रीमती संगीता धारोजी धाबे यांना संधी देण्यात आली आहे.
४. रवळगाव (गट २८):
रवळगाव जिल्हा परिषद गटासाठी श्रीमती वर्षा राजेंद्र लहाने यांचे नाव जाहीर करण्यात आले आहे. याअंतर्गत रवळगाव गणातून श्रीमती इंद्रायणी बालासाहेब रोडगे आणि डासाळा गणातून उद्धव भगवानराव गजमल उमेदवार असतील.
५. देऊळगाव गात (गट २९):
देऊळगाव गात गटातून जिल्हा परिषदेसाठी श्रीमती उर्मिला नामदेव डख यांना उमेदवारी मिळाली आहे. या गटातील देऊळगाव गात पंचायत समिती गणासाठी सुभाष विश्वनाथ चव्हाण तर तिडी पिंपळगाव गणासाठी निर्मलाबाई विनायकराव आवटे किंवा पवन प्रल्हादराव कटारे यांच्यापैकी एकाची वर्णी लागण्याची शक्यता आहे. ही माहिती तालुकाध्यक्ष सुधाकर रोकडे आणि नगरसेवक मिलिंद पवार यांनी दिली आहे.
