आहेर बोरगाव : येथील स्वामी विवेकानंद ग्रंथालयात महामानव भारतरत्न डॉ. बाबासाहेब आंबेडकर यांचा महापरिनिर्वाण दिन मोठ्या आदराने साजरा करण्यात आला. यावेळी उपस्थित मान्यवरांनी डॉ. आंबेडकर यांच्या प्रतिमेला पुष्पहार अर्पण करून त्यांना विनम्र अभिवादन केले.या कार्यक्रमाच्या अध्यक्षस्थानी ग्रंथालयाचे सचिव शिवाजी काळे होते. प्रमुख पाहुणे म्हणून भगवान पवार आणि प्राध्यापक ज्ञानेश्वर सोळंके उपस्थित होते. याप्रसंगी पांडुरंग लहाने, आहेरकर एस.पी. चौकनफळे के.बी. आणि ग्रंथालयाचे ग्रंथपाल लक्ष्मण मोगरे यांची प्रमुख उपस्थिती होती.यावेळी प्राध्यापक ज्ञानेश्वर सोळंके यांनी डॉ. बाबासाहेब आंबेडकरांच्या जीवनकार्यावर सखोल विचार व्यक्त केले, तर भगवान पवार यांनी आंबेडकरांच्या शैक्षणिक कार्याची माहिती उपस्थितांना दिली. या कार्यक्रमाला गावकरी आणि शालेय विद्यार्थी मोठ्या संख्येने उपस्थित होते. ग्रंथपाल लक्ष्मण मोगरे यांनी उपस्थितांचे आभार मानले.
मुक्तीसंग्रामातून त्याग, शौर्याची प्रेरणा
प्रा.किरण सोनटक्के यांचे प्रतिपादन, रायरेश्वर विद्यालयात ध्वजारोहण उत्साहात परभणी : जुलमी आणि हुकूमशाही निजाम सत्तेविरोधातील मराठवाडा मुक्तीसंग्रामाचा इतिहास जाज्वल्य आहे....
