परभणी जिल्हास्तरीय विज्ञान मेळाव्यात प्रथम क्रमांक
सेलू : जिल्हास्तरीय अखिल भारतीय विद्यार्थी विज्ञान मेळावा २०२६ मध्ये सेलू येथील प्रिन्स इंग्लिश स्कूलने जिल्ह्यात प्रथम क्रमांक पटकावत दैदिप्यमान कामगिरी केली आहे. याच स्पर्धेत विद्यार्थिनी तेजश्री महेशकुमार चौधरी (इयत्ता ९ वी) हिने प्रथम क्रमांक मिळवून विभागीय स्तरासाठी आपली निवड निश्चित केली.
तत्त्वमशी शिंदे हिनेही उत्कृष्ट कामगिरी नोंदवली शिक्षक रविशंकर यांचे त्यांना मार्गदर्शन लाभले. या यशाबद्दल श्रीराम प्रतिष्ठानचे संस्थापक अध्यक्ष डॉ. संजय रोडगे, सचिव डॉ. सविता रोडगे, डॉ. आदित्य रोडगे, प्रशासकीय अधिकारी प्रा. महादेव साबळे, मुख्याध्यापक सुबोध हिवराळे, अनिल कुमार, अब्दुल बाशा आणि मीरा मिरांडा यांनी यशस्वी विद्यार्थ्यांचे अभिनंदन केले व पुढील वाटचालीस शुभेच्छा दिल्या.
