उरूस सर्वधर्म समभावाचे प्रतिक, सोहळा आनंदाने साजरा करा
जिल्हाधकारी संजयसिंह चव्हाण यांचे आवाहन
परभणी : परभणी येथील सय्यद शाह तुराबूल हक यांचा उरूस म्हणजे सर्वधर्म समभावाचे प्रतिक आहे. या उरुसातून एकोप्याचे संदेश दिला जातो. उरूस हा आनंदाचा सोहळा आहे, तो शांततेत साजरा करा, असे आवाहन जिल्हाधिकारी संजयसिंह चव्हाण यांनी केले. त्यांच्या हस्ते रविवारी संदल शरीफची सुरवात करण्यात आली. या वेळी ते बोलत होते.
रविवारी दुपारी संदल शरीफची सुरुवात रेल्वे स्टेशन येथील मस्जिद उस्मानशाही येथून सुरुवात झाली. तत्पूर्वी उरूस संयोजक यांच्याकडून मान्यवरांचा सत्कार सोहळा आयोजित करण्यात आला होता. या वेळी जिल्हाधिकारी व उरूस अध्यक्ष संजयसिंह चव्हाण,पोलीस अधीक्षक रवींद्रसिंह परदेशी, निवासी उपजिल्हाधिकारी अनुराधा ढालकरी,तहसीलदार संदीप राजापूरे,वक्फ मंडळाचे उपमुख्यकार्यकारी अधिकारी मुशीर अहमद शेख,उरूस व्यवस्थापक व विशेष अधीक्षक खुसरोखान,जिल्हा वक्फ अधिकारी इम्रान नदवी व इतर मान्यवरांची मोठ्या संख्येने उपस्थिती होती.
संदल शरीफ दरवर्षी प्रमाणे परंपरागत पद्धतीने काढण्यात आला. या वेळी भावीकांची मोठ्या संख्येने उपस्थिती होती. जिल्हाधिकारी संजयसिंह चव्हाण यांनी येणाऱ्या भाविकांना सुलभ पद्धतीने सोहळा साजरा करता यावा म्हणून प्रशासनाच्यावतीने योग्य सुविधा पुरविण्यात आल्या आहेत. उरुसात मीना बाजार, विविध खेळणी हे महिला व बालकांना विशेष आकर्षणाचे केंद्र ठरतात. या वर्षीही मोठ्या प्रमाणात दुकाने व खेळणी लावण्यात आली आहे. प्रशासनाच्यावतीने दोन आढावा बैठक घेण्यात आल्या. भाविकांना कोणतीही अडचण होणार नाही याची दक्षता घेण्यातत आली आहे. सर्व भाविकांनी हा एकोप्याचा सोहळा आनंदाने साजरा करावा व प्रशासनाला सहकार्य करावे, असे आवाहनही जिल्हाधिकाऱ्यांनी केले.मोठा
पोलीस बंदोबस्त, गडबड करणाऱ्यांवर होणार कडक कारवाई : पोलीस अधीक्षक रवींद्रसिंह परदेशीपोलीस अधीक्षक पोलीस अधीक्षक रवींद्रसिंह परदेशी यांनी उरूस सोहळ्यात येणाऱ्या भाविकांना शुभेच्छा दिल्या,सोबतच त्यांनी इशारा दिला की, या वर्षी आम्ही अधिक पोलीस बंदोबस्त लावला आहे. एक एसीएसपी यांच्या नेतृत्वात पाच पोलीस निरीक्षक, पीएसआय व सोबत दिडशे पोलिसांचा ताफा असणार आहे. सोबत व्हिजिलन्स व्हॅन,शंभर सीसीटीव्ही कॅमेरे तसेच ड्रोन कॅमेरे लावण्यात आले आहे. या वर्षी कडक बंदोबस्त असला तरी सोहळ्यात गडबड करणाऱ्यावर कडक कारवाई करण्यात येईल.
