गुणवत्ता सन्मान पारितोषिकासाठी देणगी जाहीर
सेलू : नूतन विद्यालयातील ज्येष्ठ विज्ञान शिक्षक नारायण सोळंके आणि पर्यवेक्षक रोहिदास मोगल यांच्या सेवानिवृत्तीच्या निमित्ताने सेवागौरव समारंभ ३१ जानेवारी २०२६ रोजी उत्साहात पार पडला.
याप्रसंगी नूतन विद्यालय शिक्षण संस्थेचे अध्यक्ष डॉ.एस.एम.लोया, उपाध्यक्ष डी.के.देशपांडे, सचिव प्राचार्य डॉ व्ही.के.कोठेकर, शालेय समिती अध्यक्ष सीतारामजी मंत्री, प्रशासकीय अधिकारी प्राचार्य डॉ.शरद कुलकर्णी, दत्तराव पावडे, मकरंद दिग्रसकर, राजेश गुप्ता मुख्याध्यापक संतोष पाटील, उपमुख्याध्यापक किरण देशपांडे पर्यवेक्षक शंकरराव बोधनापोड यांची प्रमुख उपस्थिती होती. उपस्थित मान्यवरांनी गौरव प्रसंगी मनोगतातून सदिच्छा दिल्या. राजेंद्र सोनवणे यांनी सोळंके यांच्याविषयी, अमोल निकम यांनी श्री.मोगल यांच्याबद्दल आपल्या भावना व्यक्त केल्या.
सेवा गौरवप्रसंगी शाळा आणि संस्थेच्या वतीने नारायण सोळंके आणि अन्नपूर्णा सोळंके, तसेच रोहिदास मोगल आणि सविता मोगल यांचा यथोचित सत्कार करण्यात आला. आप्तेष्टांनी व मित्रमंडळींनी शुभेच्छा दिल्या. सत्कार उत्तर देताना संस्थेविषयी कृतज्ञता व्यक्त करून श्री.सोळंके आणि मोगल यांनी गुणवत्ता सन्मान पारितोषिक योजनेसाठी प्रत्येकी २१ हजार रुपयाची देणगी जाहीर केली.डॉ काशिनाथ पल्लेवाड यांच्या गौरवपर लेखाचे अनावरण झाले. सूत्रसंचालन अदिती आंबेकर तर आभार विजेंद्र धापसे यांनी मानले.प्रारंभी सरस्वती पूजन आणि सच्चिदानंद डाखोरे गीत सादर केलेकार्यक्रमाला यशवंतराव आणि केशरबाई सोळंके, विष्णू शेरे, शिवाजीराव मोगल, शोभा राजेभाऊ तौर आदींसह स्नेहीजण शिक्षक उपस्थित होते.
