सेलू/प्रतिनिधी : शहरातील विवेकानंद विद्यालय, सेलू येथे लोकमान्य बाळ गंगाधर टिळक यांच्या पुण्यतिथीनिमित्त तसेच लोकशाहीर अण्णाभाऊ साठे यांच्या जयंतीनिमित्त ( १ऑगस्ट ) अभिवादनपर कार्यक्रम संपन्न झाला.
कार्यक्रमाच्या प्रारंभी लोकमान्य टिळक व लोकशाहीर अण्णाभाऊ साठे यांच्या प्रतिमेचे पूजन व पुष्पहार अर्पण करून अभिवादन करण्यात आले. लोकमान्य टिळक यांनी भारतीय स्वातंत्र्यलढ्यात दिलेले योगदान, शिक्षण, स्वराज्य आणि राष्ट्रप्रेम याविषयी प्रमोद काकडे यांनी विद्यार्थ्यांना मार्गदर्शन केले. तसेच लोकशाहीर अण्णाभाऊ साठे यांच्या साहित्य, समाजप्रबोधन आणि सामाजिक समतेसाठी केलेल्या कार्याची माहिती विनोद मंडलिक यांनी विद्यार्थ्यांना दिली.या कार्यक्रमास विद्यालयाचे मुख्याध्यापक नामदेव एकशिंगे, गजानन साळवे, काशिनाथ पांचाळ व्यासपीठावर उपस्थित होते.कार्यक्रम यशस्वीतेसाठी शिक्षक व शिक्षकेतर कर्मचारी यांनी प्रयत्न केले.
