यासेर उर्दू शाळेत बक्षीस वितरण

सेलू : अल्फला एज्युकेशन अँड वेल्फेअर सोसायटीच्या वतीने आयोजित करण्यात आलेल्या निबंध स्पर्धा आणि सुंदर हस्ताक्षर स्पर्धेचा बक्षीस वितरण कार्यक्रम सेलू गौरव सेवाभावी संस्था संचलित यासेर उर्दू प्राथमिक शाळेत नुकताच यशस्वीरित्या पार पडला.मुख्याध्यापक पठाण जावेद खान फेरोज खान यांच्या मार्गदर्शनाखाली हा कार्यक्रम घेण्यात आला.स्पर्धेत शाळेतील एकूण चार विद्यार्थी-विद्यार्थिनींना पारितोषिक देण्यात आले. यापैकी शिफा शेख जावेद या विद्यार्थिनीने प्रथम क्रमांक पटकावला, तर अन्य एका विद्यार्थिनीने ‘स्कूल टॉपर’ क्रमांक मिळवला.सोसायटीच्या वतीने सर्व सहभागी विद्यार्थ्यांना सहभाग प्रमाणपत्रे देण्यात आली. उपस्थित सर्व शिक्षकांच्या हस्ते विद्यार्थ्यांना प्रमाणपत्र वाटप करण्यात आले आणि यावेळी प्रमाणपत्र देऊन आजच्या या स्पर्धात्मक जगात विविध स्पर्धांमध्ये भाग घेणे आणि आपल्या कौशल्यांचे प्रदर्शन करण्याची संधी प्राप्त करून घेणे किती महत्त्वाचे आहे, याबद्दल विद्यार्थ्यांना मार्गदर्शन करण्यात आले.