परभणी महानगरपालिका निवडणूक : १९७ उमेदवारांची माघार, बहुतांश ठिकाणी तिरंगी, चौरंगी लढतीचे चित्र
परभणी | प्रतिनिधी : परभणी महानगरपालिकेच्या सार्वत्रिक निवडणुकीत एकूण १६ प्रभागांतील ६५ जागांकरिता प्रमुख राजकीय पक्षांच्या उमेदवारांसह अन्य पक्ष व अपक्ष असे एकूण ४११ उमेदवार रिंगणात उतरले आहेत. छाननी प्रक्रियेतून ६०८ उमेदवारांचे अर्ज वैध ठरले होते. उमेदवारी अर्ज माघारीच्या अंतिम मुदतीत शुक्रवारी, २ जानेवारी रोजी दुपारी ३ वाजेपर्यंत एकूण १९७ उमेदवारांनी रिंगणातून माघार घेतली. त्यामुळे आता १६ प्रभागांतील एकूण ६५ जागांकरिता लढतीचे चित्र पूर्णपणे स्पष्ट झाले आहे.
महापालिकेच्या प्रभाग क्रमांक १ मधून २२ उमेदवारांचे अर्ज वैध ठरले होते, त्यापैकी १० उमेदवारांनी माघार घेतल्याने आता १२ उमेदवार रिंगणात आहेत. प्रभाग क्रमांक २ मधून २६ पैकी ९ उमेदवारांनी माघार घेतली असून आता १७ उमेदवार उरले आहेत. प्रभाग क्रमांक ३ मधून ३७ अर्ज वैध ठरले होते, त्यातील १६ जणांनी माघार घेतल्याने २१ उमेदवार निवडणूक लढवणार आहेत. प्रभाग क्रमांक ४ मधून ३७ उमेदवारांपैकी १० जणांनी माघार घेतली असून आता २७ उमेदवार रिंगणात आहेत. प्रभाग क्रमांक ५ मधून २६ पैकी ४ उमेदवारांनी माघार घेतल्याने २२ उमेदवार उरले आहेत. प्रभाग क्रमांक ६ मधून ४७ उमेदवारांचे अर्ज वैध ठरले होते, त्यापैकी सर्वाधिक २३ उमेदवारांनी माघार घेतली असून आता २४ उमेदवार रिंगणात आहेत.प्रभाग क्रमांक ७ मधून ४५ पैकी १७ उमेदवारांनी माघार घेतली असून आता २८ उमेदवार निवडणूक रिंगणात आहेत. प्रभाग क्रमांक ८ मधून ३४ पैकी १५ जणांनी माघार घेतल्यामुळे १९ उमेदवार उरले आहेत. प्रभाग क्रमांक ९ मधून ३५ पैकी १३ उमेदवारांनी माघार घेतली असून आता २२ उमेदवार रिंगणात आहेत. प्रभाग क्रमांक १० मधून ३६ पैकी १० उमेदवारांनी माघार घेतल्याने २६ उमेदवार निवडणूक लढवणार आहेत. प्रभाग क्रमांक ११ मधून ३० पैकी ८ उमेदवारांनी माघार घेतली असून आता २२ उमेदवार रिंगणात आहेत.प्रभाग क्रमांक १२ मधून ४८ पैकी १२ उमेदवारांनी माघार घेतल्याने ३६ उमेदवार मैदानात आहेत. प्रभाग क्रमांक १३ मधून ४५ पैकी १० जणांनी माघार घेतली असून आता ३५ उमेदवार रिंगणात आहेत. प्रभाग क्रमांक १४ मधून ४९ पैकी १७ उमेदवारांनी माघार घेतली असून ३२ उमेदवार उरले आहेत. प्रभाग क्रमांक १५ मधून ४८ पैकी १३ जणांनी माघार घेतल्याने ३५ उमेदवार निवडणूक लढवणार आहेत. तर प्रभाग क्रमांक १६ मधून ४३ पैकी १० उमेदवारांनी माघार घेतल्याने आता ३३ उमेदवार निवडणूक रिंगणात आहेत.तिरंगी, चौरंगी लढतीचे चित्र परभणी महानगरपालिका निवडणुकीत एकूण ६०८ वैध उमेदवारांपैकी गुरुवारी ३५ व शुक्रवारी १६२ अशा एकूण १९७ उमेदवारांनी माघार घेतली असून आता ४११ उमेदवारांमध्ये प्रत्यक्ष लढत होणार आहे. बहुतांश प्रभागात तिरंगी, चौरंगी लढतीचे चित्र आहे.
