सेवापूर्ती सोहळ्यात मुकुंद आष्टीकर यांच्या भावना
सेलू : शासकीय सेवेत राहून सामाजिक बांधिलकी जपत असताना, तब्बल तीस वर्षांच्या सेवा काळात पत्नी जया यांची खंबीर साथ मिळाली. सेवा कार्यकाळात अधिकारी, कर्मचारी आणि विशेष म्हणजे सेलू शहर व परिसरातील विविध क्षेत्रातील मान्यवर नागरिकांनी वेळोवेळी मार्गदर्शन आणि भरभरून प्रेम दिले आहे, अशा भावना सेलू सज्जाचे सेवानिवृत्त तलाठी आणि संघटनेचे नेते मुकुंद आष्टीकर यांनी व्यक्त केल्या.
सेलू तालुका महसूल आणि तलाठी संघटनेच्या वतीने बुधवारी, ३ डिसेंबर २०२५ रोजी आयोजित सेवापूर्ती सोहळ्यात श्री.आष्टीकर बोलत होते. अध्यक्षस्थानी उपविभागीय अधिकारी उदयसिंह भोसले (परभणी), प्रमुख पाहुणे सेलूचे उपविभागीय अधिकारी शैलेश लाहोटी, तहसीलदार डॉ.शिवाजी मगर, नायब तहसीलदार प्रशांत थारकर, अनिकेत पालेपवाड, अशोक उपाध्ये, तलाठी संघटनेचे जिल्हाध्यक्ष शामसुंदर सूर्यवंशी आदींची प्रमुख उपस्थिती होती.
या वेळी मान्यवरांच्या हस्ते श्री.आष्टीकर, जया आष्टीकर आणि श्रीनिवास आष्टीकर यांचा सत्कार करण्यात आला. विविध क्षेत्रातील मान्यवरांनी शुभेच्छा दिल्या. श्री.भोसले म्हणाले, श्री.आष्टीकर हे विविध आयामी, कार्याद्वारे प्रेरित करणारे व्यक्तिमत्त्व आहे. यावेळी श्री.सूर्यवंशी, श्री.मोताळे, आबासाहेब डख, अशोक उपाध्ये, दिलीप डासाळकर यांनी तसेच मान्यवरांनी श्री.आष्टीकर यांच्या सेवेचा गौरव करीत शुभेच्छा दिल्या.
प्रास्ताविक सारिका हेगडे यांनी केले. अर्चना गायकवाड यांनी स्वागत गीत सादर केले. सूत्रसंचालन सुभाष मोहकरे यांनी केले. ओम कानडे यांनी आभार मानले. कार्यक्रमासाठी विजय बोधले, ओम कानडे, नामदेव मोताळे, भारत नखाते, सारिका हेडगे, वैशाली बिदे, वैष्णवी बन, राधिका गरुड, योगेंद्र नांदापूरकर, माधव कुरेवाड, प्रशांत पेंडलवार, श्रीकृष्ण खंडागळे, राहुल नाऱ्हेडे, स्वप्नील बडवे, सुजित बारवाल, वैजनाथ आमदरे आदींनी परिश्रम घेतले. दरम्यान, तहसील कार्यालयात तहसीलदार डॉ.शिवाजी मगर यांच्या हस्ते श्री.आष्टीकर यांचा सत्कार करण्यात आला. कार्यक्रमाला तलाठी व महसूल संघटनेचे जिल्हाभरातील पदाधिकारी, कर्मचारी, नागरिक मोठ्या संख्येने उपस्थिती होते.
