सेलू लायन्स क्लबचा उपक्रम, ११० रूग्णांची तपासणी
सेलू : येथील लायन्स क्लबच्या वतीने प्रत्येक महिन्याच्या पहिल्या रविवारी आयोजित करण्यात येणाऱ्या मोफत नेत्र तपासणी शिबिरात यावेळी ११० (एकशे दहा) रुग्णांची तपासणी करण्यात आली. मोतीबिंदू असलेल्या रुग्णांना शस्त्रक्रियेसाठी टप्प्याटप्प्याने परतूर येथील दृष्टी लायन्स नेत्रालयात पाठवण्यात येणार असल्याची माहिती तालुकाध्यक्ष सुयश पटवारी यांनी दिली. रविवार रोजी येथील चिरायू रुग्णालयात हे नेत्र तपासणी शिबिर आयोजित करण्यात आले होते. या शिबिरात परतूर येथील लायन्स नेत्रालयाचे डॉ. रामेश्वर वानखेडे, कुंडलीक पावडे, डॉ. किरण गायकवाड, योगेश केंधळे आणि भरत पौळ यांनी तपासणीचे काम पाहिले. तसेच, शेख फरीद, नीता महाजन, माऊली भाबट, आनंदी काळे आणि गायत्री साळवे यांनी सहकार्य केले.
शिबिर यशस्वी करण्यासाठी तालुका सचिव डॉ. बाळासाहेब जाधव, उपाध्यक्ष अजित सराफ, कोषाध्यक्ष डॉ. शैलेश मालाणी, डॉ. उमेश गायकवाड, डॉ. अनुराग जोगदंड, राजेंद्र सराफ, डॉ. परेश बिनायके, डॉ. कुंदन राऊत, दत्तात्रय सोळंके, डॉ. कैलास आवटे, डॉ. आशिष मेहता, दत्तात्रय अप्पूसेठ सोळंके, डॉ. सुदर्शन मालाणी, अनुप गुप्ता, कृष्णा काटे आणि जयसिंग शेळके, सुभाष मोहकरे आदी सर्व सदस्यांनी परिश्रम घेतले.
