परभणी-हिंगोली स्थानिक स्वराज्य संस्था निवडणूक, पहिल्या पसंतीची २४२ मते मिळवून पटकावला विजय; महाविकास आघाडीचे डॉ. विवेक नावंदर यांना १५९ मते
परभणी, दि. २२ (प्रतिनिधी) : परभणी हिंगोली स्थानिक स्वराज्यसंस्थेच्या निवडणूकीत महायुतीचे उमेदवार शिवसेनेचे सईद खान यांनी ४६५ पैकी पहिल्या पसंती क्रमांकाचे सर्वाधिक २४२ मते मिळवून विजय पटकाविला.येथील जिल्हाधिकारी कार्यालयात सोमवार २२ जून रोजी सकाळी जिल्हाधिकारी संजयसिंह चव्हाण व निरीक्षक रुचेश जयवंशी यांच्या उपस्थितीत सकाळी मतमोजणीस प्रारंभ झाला. त्यावेळी निवडणूक रिंगणातील प्रतिस्पर्धी उमेदवारांच्या पहिल्या पसंती क्रमांकाची मते मोजण्यात आली. त्यात एकूण ४६५ मतापैकी पहिल्या पसंती क्रमांकाचे सर्वाधिक म्हणजे २४२ मते महायुतीचे उमेदवार खान यांनी पटकावले त्या पाठोपाठ महाविकास आघाडीचे शिवसेना (उबाठा) उमेदवार डॉ. विवेक नावंदर यांना १५९ म्हणजे दुसर्या क्रमांकाचे तर अपक्ष उमेदवार सुशिलभैय्या देशमुख यांना ५६ मते मिळाली. ते तीसर्या क्रमांकावर राहिले. एकूण मतदानात ८ मते बाद झाली.
