फुलचंद भगत, वाशिम : शेंदुरजना येथिल आप्पास्वामी शिक्षण संस्था संचलित आप्पास्वामी ज्युनिअर कॉलेजच्या दोन माजी विद्यार्थ्यांची तसेच गावतील एका विद्यार्थ्याची शिक्षक म्हणून निवड झाली असून त्यांचा सत्कार आप्पास्वामी शिक्षण संस्थेच्या वतीने करण्यात आला.
या कार्यक्रमाच्या अध्यक्षस्थानी आप्पास्वामी शिक्षण संस्थेचे अध्यक्ष प्रा. भाऊसाहेब काळे तर प्रमुख अतिथी म्हणून संस्थेचे सदस्य प्रतिकभाऊ काळे उपस्थित होते. आप्पास्वामी शिक्षण संस्था मागील 55 वर्षापासून वाशिम जिल्हयातील दुर्गम भागात ज्ञानदानाचे पवित्र कार्य करीत असून आतापर्यंत या संस्थेचे अनेक विद्यार्थी विविध शासकीय आणि निमशासकीय नोकरीस लागले आहेत.नुकत्याच झालेल्या जिल्हा परिषदेच्या शिक्षक भरतीत आप्पास्वामी ज्युनिअर कॉलेजच्या ऋषिकेश पवार (2016 बॅच)आणि राजू शेख (2009 बॅच) या 2 माजी विद्यार्थ्यांची अनुक्रमे जि. प.अमरावती व जि.प. यवतमाळ येथे तसेच गावातील सुरज जाधव याची जि.प.रत्नागिरी येथे निवड झाली असून यानिमित्त आप्पास्वामी शिक्षण संस्थेच्या वतीने त्यांचा सत्कार करण्यात आला.यावेळी कार्यक्रमाला आप्पास्वामी कला महाविद्यालयाचे प्राचार्य डॉ.टी.व्ही.मुंडे, प्रशासकीय अधिकारी प्रा.डॉ.एच आर तिवारी उपप्राचार्य प्रा.डॉ.बी. एस.कव्हर,ज्यु. कॉलेजचे प्राचार्य प्रा. प्रवीण रंगे,पर्यवेक्षक के. आर.सरोदे यांच्यासह संस्थेच्या विविध विद्याशाखांमधील प्राध्यापक-प्राध्यापिका शिक्षक -शिक्षिका आणि विद्यार्थी मोठ्या संख्येने उपस्थित होते.यावेळी ऋषिकेश पवार आणि राजू शेख यांनी आपल्या भावना व्यक्त करताना अप्पास्वामी शिक्षण संस्थेचे सहकार्य मार्गदर्शक शिक्षकांचे आभार मानले.यावेळी मार्गदर्शन करताना संस्थेचे अध्यक्ष प्रा. भाऊसाहेब काळे यांनी ऋषिकेश पवार आणि राजू शेख यांनी केलेला अभ्यास आणि घेतलेल्या परिश्रमाचे कौतुक करून इतर विद्यार्थ्यांनी देखील जिद्दीने अभ्यास करून यश मिळवावे असे आवाहन केले. कार्यक्रमाचे संचलन व आभार प्रदर्शन रासेयोचे कार्यक्रमाधिकारी प्रा.योगेश पवार यांनी केले.
