उपक्रमाद्वारे सामाजिक बांधिलकीचे दर्शन
परभणी : सेलू येथील तलाठी आणि तलाठी संघटनेचे नेते मुकुंद आष्टीकर यांनी पुरग्रस्तांसाठी ५१ हजार रुपयांच्या मदतीचा धनादेश परभणीचे जिल्हाधिकारी संजयसिंह चव्हाण यांच्याकडे सुपूर्द केला. श्री.आष्टीकर कुटुंबियांनी सामाजिक बांधिलकी जपत या आधीही आपद्ग्रस्त, गरजूंना तसेच सेलू शहरातील विविध सामाजिक, शैक्षणिक संस्थांना आर्थिक स्वरूपात तसेच वस्तू स्वरूपात भरीव मदत करून औदार्य दाखविले आहे. परभणी जिल्ह्यातील पूरग्रस्तांना मदतीसाठी ते पुढे आले. या प्रशंसनीय प्रेरक कार्याबद्दल विविध स्तरांतून श्री आष्टीकर यांचे अभिनंदन होत आहे.
