पं.पलुस्करांचे संगीत क्षेत्रात मोठे योगदान : गोविंदभाऊ जोशी
सेलू : भारतीय शास्त्रीय संगीत जनसामान्यांपर्यंत पोहोचवण्यासाठी तसेच संगीताच्या प्रचार व प्रसारासाठी स्वातंत्र्यपूर्व काळात इ.स. १९०१ मध्ये नाशिक येथे गांधर्व महाविद्यालय आणि रामनाथ आश्रमाची स्थापना करून संगीत शिक्षणाची व्यवस्था करणारे पं. विष्णू दिगंबर पलुस्कर यांचे मोठे योगदान आहे, असे प्रतिपादन ज्येष्ठ संगीततज्ञ गोविंदभाऊ जोशी यांनी केले. येथील नादब्रंह्म संगीत विद्यालयाच्या वतीने पं. पलुस्कर पुण्यतिथीनिमित्त शनिवार दिनांक ०४ ऑक्टोबर रोजी नूतनच्या रा. ब. गिल्डा सभागृहात आयोजित संगीत समारोह कार्यक्रमाचे अध्यक्ष म्हणून ते बोलत होते. यावेळी प्रमुख पाहुणे म्हणून उद्योजक महेशराव खारकर, मा. प्राचार्य डॉ. विनायकराव कोठेकर, डॉ. रामराव रोडगे, मा. प्राचार्य डॉ. शरद कुलकर्णी, संयोजक पं. यशवंतराव चारठाणकर यांची उपस्थिती होती.
स्वातंत्र्यसेनानी कै. पं. हरिभाऊ चारठाणकर यांच्या सांगितिक जीवनावर प्रा. गौतम सूर्यवंशी यांनी रचलेल्या “सुर ज्यांचा श्वास होतो” या गीताने संगीत समारोहाचा प्रारंभ झाला. त्यानंतर कु. शरण्या मोहकरे, कु. मनवा देशमुख, यथार्थ गवलवाड यांनी राग तिलक कामोद सादर करून रसिकांची दाद मिळवली. सौ. सुषमा दामा, सिमा सुक्ते, आरोही ओगले यांनी राग सारंग, तर कु. इशिता अतुल कुलकर्णी हिने राग पटदीप गायन करून श्रोत्यांना मंत्रमुग्ध केले. शंतनु पाठक व पंडित यशवंतराव चारठाणकर यांनी गायन केलेल्या रागांनी श्रोत्यांना शास्त्रीय संगीताच्या महतीची अनुभूती मिळाली. भैरवीने संगीत समारोहाची सांगता करण्यात आली. शिवाजीराव पाठक यांनी तबला, तर शंतनु पाठक व सच्चिदानंद डाखोरे यांनी हार्मोनियमवर संगीत साथ केली. प्रा. गंगाधर कान्हेकर यांनी ध्वनीव्यवस्था पाहिली. कार्यक्रमाचे प्रास्ताविक प्रमोद देशमुख यांनी केले, सुभाष मोहकरे यांनी सूत्रसंचालन केले तर नवनाथ गवलवाड यांनी आभार मानले. कार्यक्रमासाठी ॲड. एल. एम. सुभेदार, दतात्रय माकोडे, उपेंद्र बेल्लूरकर, डॉ. राजेंद्र मुळावेकर, लक्ष्मीकांत डिग्रसकर, शिवनारायण मालाणी, नारायणराव इक्कर, मुख्याध्यापक सर्जेराव लहाने, संतोष पाटील, डॉ. विलास मोरे, एन. एम. देशपांडे, रघूनाथ देशमुख, प्रा. ए. टी. देशमुख, शशिकांत देशपांडे, भालचंद्र गांजापूरकर, निजलिंग तरडगे, सौ. रमा बाहेती, सौ. संगीता खराबे आदीसह रसिक श्रोत्यांची मोठी उपस्थिती होती.
