‘हर हर महादेव’च्या जयघोषात भाविकांचे प्रस्थान
देशनिष्ठ प्रतिनिधी, सेलू : हिंदू धर्मियांचे पवित्र श्रद्धास्थान असलेल्या बाबा अमरनाथ यांच्या दर्शनासाठी सेलूतील ५ भाविकांचा जथा १९ जुलै रोजी अत्यंत उत्साही आणि भक्तीमय वातावरणात रवाना झाला.
सेलू रेल्वे स्टेशनवरून सकाळी ११ वाजता ‘हर हर महादेव’ आणि ‘बम बम भोले’च्या जयघोषात भाविकांना निरोप देण्यात आला.नगरसेवक मिलिंद पवार व प्रकाशराव रोडगे यांच्या हस्ते भाविकांचा पुष्पहार घालून सत्कार करण्यात आला आणि त्यांना सुखकर यात्रेसाठी शुभेच्छा देण्यात आल्या. या प्रसंगी इंद्रजीत डवले, सचिन डख, श्रीरंग झोल, ज्ञानेश्वर टाके, विजय धापसे आणि गजानन लिपणे यांची उपस्थिती होती.हे यात्रेकरू सचखंड एक्सप्रेसने रवाना झाले असून २३ जुलै रोजी ते पहलगाम येथे पोहोचतील. त्यानंतर २४ जुलै रोजी चंदनवाडी येथून बाबा बर्फानींच्या दर्शनासाठी त्यांची यात्रा पुढे सुरू होईल.
