आर्ट ऑफ लिविंगतर्फे सुदर्शन क्रियेचे शिबीर
सेलू : गुरुपौर्णिमेचे औचित्य साधून आर्ट ऑफ लिविंग परिवार, सेलू यांच्या वतीने हॅप्पीनेस प्रोग्रामचे आयोजन करण्यात आले आहे. या शिबिरात जगभरात प्रसिद्ध असलेली आणि अनेक आजारांवर गुणकारी ठरणारी सुदर्शन क्रिया शिकवली जाणार आहे.
तसेच ताणतणाव व्यवस्थापन, अनिद्रा, नैराश्य आणि निरुत्साह यांसारख्या मानसिक व शारीरिक समस्यांवर मात करण्यासाठी विविध ध्यान आणि प्रक्रियांचा समावेश यामध्ये असणार आहे. हा कोर्स २९ जुलै ते २ ऑगस्ट या कालावधीत पार पडणार असून यासाठीची नोंदणी (संपर्क 9404177774) आजपासून सुरू झाली आहे, अशी माहिती आर्ट ऑफ लिविंगचे प्रशिक्षक किशोर घडे यांनी दिली.
