छत्रपती शिवाजी महाराज जयंतीनिमित्त सेलूतील शिवजन्मोत्सव समितीचा उपक्रम
सेलू : येथील सार्वजनिक शिवजन्मोत्सव सोहळा समितीच्या वतीने छत्रपती शिवाजी महाराज यांच्या ३९६ व्या जयंती निमित्त नूतन विद्यालय व नूतन प्राथमिक शाळेत छत्रपती शिवाजी महाराज यांच्या जीवन कार्यावर आधारित तालुकास्तरीय सामान्यज्ञान स्पर्धा परीक्षा उत्साहात पार पडली.
या परीक्षेचे हे दुसरे वर्ष असून, इयत्ता चौथी ते बारावी वर्गातील विद्यार्थ्यांच्या उत्स्फूर्त प्रतिसादात रविवार, १५ फेब्रुवारी रोजी ही स्पर्धा परीक्षा पार पडली. तीन गटात झालेल्या या सामान्यज्ञान स्पर्धा परीक्षेस तालुक्यातील २२०० पेक्षा अधिक विद्यार्थ्यांनी सहभाग नोंदविला. परीक्षा केंद्रास नूतन विद्यालय शिक्षण संस्थेचे प्रशासकीय अधिकारी प्राचार्य डॉ. शरद कुलकर्णी यांनी भेट देऊन विद्यार्थ्यांना प्रोत्साहन दिले. तालुकास्तरीय सामान्यज्ञान स्पर्धा परीक्षेची सुरुवात सामूहिक जिजाऊ वंदना, राष्ट्रगीत आणि राज्यगीताने झाली. राजमाता जिजाऊ, छत्रपती शिवाजी महाराज आणि संत सेवालाल महाराज यांच्या प्रतिमेचे पूजन करून अभिवादन करण्यात आले. कार्यक्रमाचे प्रास्ताविक रामराव गायकवाड यांनी केले, तर सूत्रसंचालन सुभाष मोहकरे यांनी केले. आभार प्रदर्शन रामराव बोबडे यांनी केले. ही परीक्षा यशस्वी करण्यासाठी नितीन माध्यमिक विद्यालयाचे मुख्याध्यापक सर्जेराव लहाने, संतोष पाटील, किरण देशपांडे, शंकर बोधनापोड, उल्हास पांडे, सच्चिदानंद डाखोरे, प्रा. विलास खरात, किरण जाधव, प्रशांत देशमुख, डॉ. शरद ठाकर, गणेश माळवे, प्रशांत नाईक, माधव गव्हाणे, बाबासाहेब पावडे, किरण खरात, साधना खरात, सर्जेराव सोळंके, आत्माराम हरकळ, तानाजी भोसले, संतोष पडोळे, प्रविण खंदारे, डॉ.सुरेश हिवाळे, डॉ.काशिनाथ पल्लेवाड आणि सार्वजनिक शिवजन्मोत्सव सोहळा संयोजन समितीच्या सदस्यांसह तालुक्यातील मुख्याध्यापक, शिक्षक व शिक्षकेतर कर्मचाऱ्यांनी पुढाकार घेतला.
