सेलू : क्रीडा व युवक सेवा संचालनालय, महाराष्ट्र, पुणे आणि जिल्हाधिकारी कार्यालय, परभणी यांच्या संयुक्त विद्यमाने नूतन विद्यालय, सेलू येथे दिनांक २२ सप्टेंबर रोजी शालेय जिल्हा सेपक टकारा क्रीडा स्पर्धेचे आयोजन करण्यात आले होते. नूतन संस्थेचे सचिव डॉ. व्ही.के. कोठेकर यांच्या हस्ते या स्पर्धेचे उद्घाटन झाले. कार्यक्रमाच्या अध्यक्षस्थानी संस्थेचे अध्यक्ष डॉ. एस.एम. लोया होते, तर संस्थेचे सहसचिव जयप्रकाश बिहाणी, पर्यवेक्षक रोहिदास मोगल, डी.डी. सोन्नेकर, मुख्याध्यापक देशपांडे, जिल्हा सचिव गणेश माळवे आणि तालुका क्रीडा संयोजक प्रशांत नाईक हे प्रमुख पाहुणे म्हणून उपस्थित होते.
या स्पर्धेत सेलू, पाथरी, जिंतूर, गंगाखेड आणि पूर्णा तालुक्यातील १४, १७ आणि १९ वर्षे वयोगटांतील मुला-मुलींचे एकूण ३२ संघ सहभागी झाले होते. यात १६० खेळाडूंनी सहभाग घेतला. स्पर्धेसाठी संजय भुमकर, किशोर ढोके, अनुराग आंबटी, कुणाला चव्हाण, प्रा. सत्यम बुरकुले, सूरज शिंदे, जुलाह खुदुस, केंद्रे पांडुरंग, प्रमोद गायकवाड, दीपक जोरगेवार यांनी पंच म्हणून काम पाहिले.
या स्पर्धेचा अंतिम निकाल :
१४ वर्षे मुले: नूतन विद्यालय, सेलू (प्रथम), प्रिन्स इंग्लिश स्कूल, सेलू (द्वितीय), व्हिजन इंग्लिश स्कूल, सेलू (तृतीय).
१४ वर्षे मुली: नूतन विद्यालय, सेलू (प्रथम), ज्ञानतीर्थ विद्यालय, सेलू (द्वितीय), शां.न.वि. पाथरी (तृतीय).
१७ वर्षे मुले: नूतन विद्यालय, सेलू (प्रथम), बा.बि. नूतन इंग्लिश स्कूल, सेलू (द्वितीय), प्रिन्स इंग्लिश स्कूल, सेलू (तृतीय).
१७ वर्षे मुली: नूतन विद्यालय, सेलू (प्रथम), नूतन कन्या प्रशाला, सेलू (द्वितीय), प्रिन्स इंग्लिश स्कूल, सेलू (तृतीय).
१९ वर्षे मुले: नूतन महाविद्यालय, सेलू (प्रथम), पुण्यश्लोक अहिल्यादेवी होळकर विद्यालय, पाचलेगाव जिंतूर (द्वितीय), कला व वाणिज्य महाविद्यालय, गंगाखेड (तृतीय).
१९ वर्षे मुली: पुण्यश्लोक अहिल्यादेवी होळकर विद्यालय, पाचलेगाव जिंतूर (प्रथम), नूतन कन्या प्रशाला, सेलू (द्वितीय), कला व वाणिज्य महाविद्यालय, गंगाखेड (तृतीय).
