सेवानिवृत्त ग्रंथपाल डॉ.शिवाजी शिंदे यांचा उपक्रम
सेलू : येथील श्रीमती ल. ला. रा. नूतन कन्या प्रशालेतील सेवानिवृत्त ग्रंथपाल डॉ. शिवाजी शिंदे यांनी आपल्या ६२ व्या वाढदिवसानिमित्त सेलूतील तीन शाळांना ग्रंथ भेट देऊन सामाजिक दातृत्वाचा आदर्श जपला आहे.
विद्यार्थ्यांमध्ये वाचनाची आवड निर्माण व्हावी या उद्देशाने त्यांनी न्यू हायस्कूल, श्री केशवराज बाबासाहेब विद्यालय आणि जिजामाता प्राथमिक शाळेला प्रत्येकी ६२ पुस्तकांचे संच सस्नेह भेट दिले. या उपक्रमांतर्गत विविध शाळांमध्ये आयोजित कार्यक्रमांना मुख्याध्यापक धनंजय भागवत, सिद्धार्थ एडके, रवींद्र पाठक आणि इतर मान्यवरांची उपस्थिती होती. सेवानिवृत्तीनंतरही समाजाचे देणे लागते या भावनेतून डॉ. शिंदे यांनी राबवलेल्या या उपक्रमाचे सर्वत्र कौतुक होत आहे. वि. दा. करंदीकरांच्या “देणाऱ्याने देत जावे…” या ओळींचा संदर्भ देत त्यांनी वाचनाचे महत्त्व विषद केले. संबंधित शाळांच्या मुख्याध्यापकांनी या पुस्तकांचा विद्यार्थ्यांना निश्चितच फायदा होईल, अशी ग्वाही देत डॉ. शिंदेंचे आभार मानले.
