युथ मूव्हमेंट ऑफ महाराष्ट्रचा उपक्रम
सेलू : युथ मूव्हमेंट ऑफ महाराष्ट्र, सेलू युनिटच्या वतीने ईद मिलादुन्नबीच्या निमित्ताने ५ सप्टेंबर, शुक्रवारी माशाल्लाह हॉल येथे सकाळी १० वाजता भव्य रक्तदान शिबिराचे आयोजन करण्यात आले होते. या शिबिराला उत्स्फूर्त प्रतिसाद मिळाला असून, एकूण १५९ जणांनी रक्तदान केले.
हे शिबिर यशस्वी करण्यात एस.आय.ओ. (SIO) सेलू युनिटने विशेष सहकार्य केले. यासाठी परिश्रम घेणाऱ्यांमध्ये युथ मूव्हमेंट ऑफ महाराष्ट्र सेलू युनिटचे अध्यक्ष नोमान सकलैन, मोईन सिद्दीकी, इस्माईल शेख, बिलाल हरमैन, शोएब हाशमी, जुबैद हसनैन, इब्राहिम बगवान, जुबेर सैय्यद, शजी सिद्दीकी, ज़की सिद्दीकी सर, इमामुद्दिन शेख सर, डॉ. अब्दुल मजीद, अब्दुल गफूर साहेब, सैय्यद इसहाक साहेब, सय्यद साजीद, अनीस अन्सारी, शेख सज्जीद, अमजद बगवान आणि इतरांचा समावेश होता.
या शिबिरात रक्तसंकलन करण्यासाठी शासकीय रुग्णालय, परभणी येथील वैद्यकीय पथकाने मोलाचे योगदान दिले. या पथकात डॉ. संकेत वाघ, विकास कांबळे, असाराम गीते, राम धेंगडे, किरण कदम, शुभम अंबूरे आणि रोकडेवार यांचा समावेश होता.आयोजकांनी सर्व रक्तदाते, सहकार्यकर्ते आणि वैद्यकीय पथकाचे मनःपूर्वक आभार मानले. हे शिबिर मानवसेवेचे एक उत्तम उदाहरण ठरले, असेही त्यांनी सांगितले.
