कान्हेकर शारदा विद्यालयातील कलाध्यापक चव्हाण यांचा सेवाभाव
सेलू : येथील कै. राधाबाई किशनराव कान्हेकर शारदा विद्यालयातील कलाध्यापक रोहीदास वाच्छू चव्हाण ३७ वर्षांच्या प्रदीर्घ सेवेनंतर ३१ जुलै रोजी नियतवयोमानानुसार सेवानिवृत्त झाले. त्यांच्या यशस्वी सेवापूर्तीबद्दल त्यांचा सपत्नीक सेवागौरव करण्यात आला.
कार्यक्रमाच्या अध्यक्षस्थानी संस्थेचे माजी अध्यक्ष मुंजाभाऊ भिसे होते. प्रमुख पाहुणे म्हणून माजी नगराध्यक्ष मारोती चव्हाण, माजी प्राचार्य एन. डी. चव्हाण, संस्थेचे सचिव चंद्रप्रकाश सांगतानी, प्रशासकीय अधिकारी चंद्रशेखर नावाडे, प्रल्हाद चव्हाण, सत्कारमूर्ती आर. व्ही. चव्हाण व मीरा चव्हाण यांची प्रमुख उपस्थिती होती. मान्यवरांच्या हस्ते शाल, श्रीफळ व भेटवस्तू देऊन संस्था, माध्यमिक व प्राथमिक विभाग, नातेवाईक आणि मित्र परिवाराच्या वतीने त्यांचा सत्कार करण्यात आला. या वेळी रोहीदास चव्हाण यांनी शाळेतील विद्यार्थ्यांना शालेय साहित्य खरेदीसाठी ५० हजार रुपयांची देणगी जाहीर केली.संध्या गोरे, समृद्धी चव्हाण, ए. जी. पाईकराव, मुख्याध्यापिका उषा कामठे, चंद्रशेखर नावाडे व प्रल्हादराव चव्हाण यांनी मनोगत व्यक्त केले. प्रास्ताविक मुख्याध्यापक डी. डी. शिंदे यांनी केले, सूत्रसंचालन सुभाष मोहकरे यांनी तर आभार अर्चना फोपसे – पठारे यांनी मानले. कार्यक्रम यशस्वीतेसाठी रुपेश चव्हाण, किरण चव्हाण, अच्युतराव जाधव, संदीप जुमडे, सोमेश शिंदे, आनंद देवधर, चैतन्य नावाडे, सौ. पवार, नानासाहेब भदर्गे, विजय अंभुरे, भारती मुळे, राणीबाई फुलारी व सौ. साडेगावकर यांनी परिश्रम घेतले.
